काठमाण्डौं ।
रुपन्देही–२ प्रतिनिधिसभाका लागि उम्मेदवार राजु गुरुङको उम्मेदवारी खारेज विरुद्ध परेको रिट निवेदनमा सर्वोच्च अदालतले निर्वाचन आयोगलाई कारण देखाउ अल्पकालिन आदेश जारी गरेको छ । रिट निवेदनमाथि आज आइतबार सुनुवाई गर्दै यस्तो आदेश जारी भएको हो । सत्ता गठबन्धनको तर्फबाट रुपन्देही २ का उम्मेदवार बनेका नेकपा एकिकृत समाजबादीका नेता गुरुङले सर्वोच्च अदालतमा दायर गरेको रिटमा सबोच्चले दुवै पक्षलाई कार्तिक २ गते बोलाएको छ।
शुक्रवार न्यायाधीश हरि फुयालका एकल इजलासमा परेको सो मुद्दा झगडीया पक्षले नै स्थगनको निवेदन दिएपछि सुनुवाई हुन सकेको थिएन । आइतवार न्यायाधीश विश्वम्भर श्रेष्ठको एकल इजलासमा सुनुवाई सकिएको छ । गुरुङले आफ्नो उम्मेदवारी कायम हुनुपर्ने माग गर्दै दायर गरेको रिटमाथि सुनुवाईपछि सर्वोच्चले कारण देखाउ आदेश दिएको हो । रिट निवेदकको पक्षबाट शम्भु थापा, हरिहर दाहाल, रमण श्रेष्ठलगायतले बहस गरेका थिए । रुपन्देहीका मतदाताको पक्षबाट राजेन्द्र आचार्यले वहस गर्दै आयोगको निर्णयको बचाउ गरेका थिए ।
रुपन्देहीको मुख्य निर्वाचन अधिकृतको कार्यालयले गुरुङको उम्मेदवारी खारेज गरेको थियो । निर्वाचन आयोगले प्रतिनिधि सभा सदस्य ऐन, २०७४ को दफा १३ को खण्ड ९ज० तथा प्रतिनिधि सभा निर्वाचन निर्देशिका २०७९ को दफा १६ ९ज० बमोजिम गुरुङको उम्मेदवारी मनोनयन खारेज गरेको थियो । प्रतिनिधि सभा निर्वाचन ऐन २०७४ को दफा १३ मा उम्मेदवारको अयोग्यतासम्बन्धी प्रावधान उल्लेख गरिएको छ । सोही दफा १३ को खण्ड ९ज०मा प्रचलित कानूनबमोजिम कालोसूचीमा रहेकोमा सो अवधिभर उम्मेदवार बन्नका लागि अयोग्य हुने उल्लेख छ
