लुदअ, कपिलवस्तु
राष्ट्रिय प्रजातन्त्र पार्टी (राप्रपा) कपिलवस्तु क्षेत्र नं. १ का प्रतिनिधि सभा सदस्यका उम्मेद्वार धुर्व रायमाझिले देश विकास, शान्ती अमनचयन र राजनीतिक स्थिरता कायमका लागि राप्रपाको विकल्प नरहेको बताउनुभएको छ । बाणगंगा चार नम्बर जितपुरमा पार्टीको निर्वाचन प्रचार प्रसार सम्पर्क कार्यालयको उद्घाटन गर्दै उम्मेद्वार रायमाझीले अब जनताले विकास नगर्ने पार्टीलाई पाखा लगाउने बेला आएको बताउनुभयो ।
रायमाझीले आसन्न निर्वाचनमा नेकपा (एमाले) को भोट माग्ने कुनै नैतिक अधिकार नभएको बताउनु भयो । उहाँले राजनितीक स्थिरता हुन्छ, विकास निर्माण हुन्छ भनी आश्वासन मात्र दिएको र अहिले न पार्टी बचाउन सके न विकास निमार्ण गर्न सकेको भन्दै जनता आजित भएको बताउनुभयो । अब के नैतिक आधार छ उनिहरुले जनता संग भोट माग्ने उहाँले प्रश्न गर्नु भयो ।
‘अब कुनै पनि राजनितीक दलले जनतालाई सुनाउने केहि छैन उल्टै जनताले प्रश्न गरेका छन्, के गर्नु भयो र अहिले सम्म कहाँ लुक्नु भएको थियो’ ? रायमाझिले भन्नुभयो । उहाँले राप्रपाका युवाहरु एउटा परिर्वतनको लहर ल्याएर आएको बताउनु भयो । पुर्व मेचि देखि पश्चिम महाकाली सम्म राप्रपाको जन लहरले ठुला राजनितिक दल आत्तिएको उहाँले बताउनु भयो ।
कपिलवस्तुका जनताले राप्रपा राम्रोसंग बुझेकाले अवको नेतृत्वमा राप्रपाका उम्मेद्वारलाई हलो चिन्हमा छाप लगाएर पठाउनेमा आफु विश्वस्त रहेको भन्दै आफु सदैव जनताको साथमा रहने प्रतिवद्धता व्यक्त गर्नुभयो ।
