लुदअ, कपिलवस्तु
राष्ट्रिय प्रजातन्त्र पार्टी राप्रपा कपिलवस्तु क्षेत्र नम्बर १ का उम्मेद्वारहरुले जिल्लाको बाणगंगा नगरपालिका अन्तरगत भलवाड, जिनुवा, मोतिपुर लगायतका ठाउँमा घरदैलो तथा मतदाता भेटघाट गरेको छ । अन्य दलका उम्मेद्वारहरुले भन्दा फरक र प्रभावकारी योजना रहेको दाबी गर्दै मतदाताको घरदैलोमा पुगेका राप्रपा क्षेत्र नम्बर १ का उम्मेद्वारहरुले अहिलेको निर्वाचनमा कपिलवस्तुवासीले आफुहरुलई अत्याधिक मतले जिताउने दाबी गर्दछन ।
यसैबिच आज भलवाडमा घरदैलो पश्चात भएको कोणसभालाई प्रतिनिधि सभा क्षेत्र नम्बर १ का उम्मेद्वार धुव्र रायमाझीले सम्बोधन गर्ने क्रममा सर्वसाधारणले रायमाझी हाम्रो सान भन्दै नारा नै लगएका छन । भलवाड क्षेत्रमै जन्मेहुर्केका रायमाझी राप्रपाको उम्मेद्वार बनेर आफ्नो क्षेत्र बाट उठ्नु गौरवको कुरा भएको भन्दै उनिहरुले रायमाभीलाई जिताउने बताएका छन । आफ्नै ठाउँमा हुर्केका रायमाझीले आफ्ना साना साना समस्यालई बुझ्ने गरेको बताउँदै अब चुनाव जितेपछि अझ सहज हुने बताएका छन ।
यसैबिच उम्मेद्वार रायमझीले बाणगंगा भित्र पर्ने भलवाड, जिनुवा, मोतिपुर आफ्नो विशेष ठाउँ रहेको भन्दै यहाँका जनताले दिएको माया र विश्वासलाई कहिल्यै अवमुल्यन नगर्ने प्रतिबद्धता व्यक्त गर्नुभएको छ । राप्रपाका विचार र सिद्धान्तले सिङ्गो देश र जनतलाई सन्तुष्टि प्रदान गर्ने भएकोले पनि अहिले आफु सङ्गै राप्रपाका उम्मेद्वारहरुलाई जिताउन उहाँले आग्रह गर्नुभएको छ ।
त्यस्तै कार्यक्रममा बोल्दै प्रदेश सभा क का उम्मेद्वार भोजराज आचार्यले झुटा आश्वासन दिएर निर्वाचन जित्ने प्रणालि अब हटेको भन्दै अब जनताले विश्वास गर्ने खालका योजना राप्रपाले ल्याएको भन्दै ति योजना आफुहरुले पुरा गर्ने प्रतिबद्धता जनाउनु भएको छ । जनतलाई अरु दलका नेताले धेरै पटक झुक्यएको भन्दै अब जनता सचेत भैसकेकोले झुटको खेति गर्ने नेता अब जनतामाझ आएर बोली खेर नफाल्न उहाँले आग्रह गर्नुभएको छ ।
