हरि आचार्य, कपिलवस्तु
त्रिभुवन विश्व विद्यालयले आसन्न चैत ५ गते देशैभरका आंगिक तथा सामुदायिक क्याम्पसहरुमा स्वतन्त्र विद्यार्थी युनियन (स्ववियु) को निर्वाचनको समय तोकेको छ । जस अनुसार विभिन्न विद्यार्थी संगठनहरुले विद्यार्थीहरुको माझमा गई निर्वाचनको प्रचार प्रसारलाई तिब्रता दिएका छन् ।
सोहि क्रममा जिल्लाकै एक मात्र क्यु.ए.ए.सर्टिफाईड क्याम्पस सिद्धार्थ क्याम्पसमा अनेरास्ववियु संयुक्त प्यानलले हरेक विद्यार्थीहरुका समस्याहरु औल्याउँदै सबै विद्यार्थीहरुको हक हितका लागि अनेरास्ववियु संयुक्त प्यानललाई विजयी गराउन आग्रह गरेको छ ।
अनेरास्ववियुका जिल्ला अध्यक्ष समेत रहनुभएका अन्जित खनाल अनेरास्ववियु संयुक्त प्यानलको तर्फबाट सिद्धार्थ क्याम्पसको स्ववियु सभापतिको उम्मेद्धवारको रुपमा निर्वाचनमा होमिनुभएको छ । अनेरास्ववियु क्याम्स कमिटी सभापति पशुपति गिरीको सचिवमा उम्मेद्धवारी रहेको छ । त्यस्तै कोषाध्यक्षमा अप्सरा चौधरी थारुको उम्मेद्वारी रहेको छ भने सदस्यहरुमा बालिका पाण्डे, लक्ष्मी खनाल, हरि प्रसाद थारु, शेषकान्त मारासिनी, अर्चना आचार्य, साबित्रा पाण्डे र विपना गैरे प्रत्यक्ष तर्फका उम्मेद्वार रहेका छन् । यता समानुपातिक तर्फ मधुसुधन भुसाल, दिपिका वि.क., प्रदिप कुमार खत्री, अमृता खनाल, रोशन क्षेत्री, श्याम आचार्य, विजय घर्ती, पवित्रा थारु, राधिका शर्मा, विक्की सुवेदी, केशव खनाल, राज कुमार थारु, सविता पाण्डे र विष्णु खरालको उम्मेद्वारी रहेको छ ।
क्याम्पसको स्ववियु सभापतिको उम्मेद्वारको रुपमा जिल्ला अध्यक्ष नै पाएसंगै विद्यार्थीहरु खुसी हुंदै अनेरास्ववियु संयुक्त प्यानललाई अवश्यक जिताउने बताएका छन् । वि.स. २०६८ साल देखि विद्यार्थी राजनीतिमा निरन्तर रुपमा लागिरहनुभएका खनाल लोकप्रिय विद्यार्थी नेताको रुपमा चिनिनुहुन्छ । वि.स. २०६८ सालमा अनेरास्ववियु बाणगंगा बहुमुखी क्याम्पस कमिटी सह–सचिव बाट विद्यार्थी राजनीति सुरु गर्नुभएका खनाल जिल्ला कमिटी सदस्य, सचिवालय सदस्य, कोषाध्यक्ष, उपाध्यक्ष हुंदै अहिले अनेरास्ववियु जिल्ला अध्यक्षको जिम्मेवारी सम्हाल्नु भएको छ ।
विगमा पनि अनेरास्वयिु नेतृत्वको स्ववियुले क्याम्पसमा विद्यार्थीहरुको हक हितका लागि उत्कृष्ट काम गरेकोले यो निर्वाचनमा पनि अनेरास्ववियु संयुक्त प्यानलले जित्ने निर्वाचन परिचालन कमिटी संयोजक सुशिल खत्रीले बताउनुभएको छ । यस अघि लोकप्रिय मतका साथ अनेरास्ववियुको तर्फबाट स्ववियु सभापतिमा निर्वाचित हुनुभएका खत्रीले अनेरास्ववियु संयुक्त प्यानल प्रति विद्यार्थीहरु आकर्षित भएको बताउनुभयो ।
त्यस्तै क्याम्पसको शैक्षिक गुणस्तर र विद्यार्थीहरुका हरेक समस्यमा साथ दिनका लागि अनेरास्ववियु संयुक्त प्यानल निर्वाचनमा आएको आर्थिक संयोजक विष्णु घिमिरेले बताउनुभयो ।
देशभरीका सम्पुर्ण प्रगतिशिल जनवादी देशभक्त विद्यार्थीहरु एक जुट होऔं भन्ने मुल नाराका साथ विद्यार्थीहरुको सुख दुःखमा निरन्तर साथ दिई हक अधिकारका लागि सदैव एकजुट हुने प्रतिवद्धताका साथ सिद्धार्थ क्याम्पसमा अनेरास्ववियु संयुक्त प्यानल निर्वाचनमा होमिएको छ ।
