बुटवल ,
कोरोना पछि देशको आर्थिक क्षेत्र परेको सबै भन्दा धेरै मार पर्यटन क्षेत्रमा परेको छ । होटेल व्यवासयीहरु त्यसको प्रत्यक्ष सिकार भएका छन् ।   पर्यटन क्षेत्र  थप फस्टाउन साथ होटेल व्यवासयीहरुको उत्साह पनि उस्तै हुने छ ।  अहिले अहिले देखिएको  कारोबारको मन्दीमाले गति लिने छ ।  यसैबिच होटेल तथा रेस्टुरेन्ट व्यवसायी सङ्घ रुपन्देहीको यही शनिवार चेत्र २४ र २५ गते ११ औँ अधिवेशन तथा ११ औँ वार्षिक साधार सभा हुँदै छ ।अधिवेशनले आगामी २ वर्षका लागि नयाँ नेतृत्व समेत चयन गर्ने छ । नयाँ नेतृत्वका लागि दुई अध्यक्षका उम्मेदवारले फरक९फरक प्यानल बनाएर चुनावी अभियानमा जुटेका छन् । वि।स। २०५६ सालमा स्थापना भएको सङ्घमा हाल १२०३ होटेल व्यवसायीहरू आबद्ध रहेका छन् ।
सामाजिक तथा व्यक्तिगत प्रतिष्ठाको विषय समेत भएकाले उम्मेद्वारहरु आफ्नो चुनावी प्रतिबद्धता लिएर प्रत्येक सदस्य समक्ष पुगेका छन् । कोरोना महामारी तथा आर्थिक मन्दीले थला परेको होटेल व्यवसायलाई चलायमान गराउनु पर्ने चुनौती नयाँ नेतृत्वलाई अवश्य नै हुने छ । यसैबिच “पर्यटन प्रवर्द्धन र संरक्षण पर्यटकीय गन्तव्यको पहिचान, संयुक्त प्यानलको अभियान”–भन्ने नारासहित लेखनाथ भण्डारीको संयुक्त प्यानलले उम्मेदवारी घोषणा गरेको छ ।

उक्त प्यानलबाट महासचिव पदका उम्मेदवार हुन् युवा व्यवसायी अर्जुन थापाको आफ्नै भिजन र  आँट रहेको छ । उनले आफ्नो अनुभव र जोसले गर्दा होटेल व्यवासायीहरको हितमा बसेर काम गर्ने  सक्ने क्षमता राख्ने दाबी गर्दछन् ।
उच्च शिक्षाका लागि वि।स। २०६३ सालमा बुटवल झरेका थापाले खर्च जोहो गर्नका लागि चिया, नास्ता पसलबाट व्यावसायिक यात्रा सुरु गरी हाल सफल व्यवसायीका रूपमा स्थापित हुन सफल भएका छन्। गुल्मीको ईस्मा गाउँपालिका–३ का थापाले २०६० सालमा स्थानीय माविबाट एसएलसी परीक्षा उत्तीर्ण गरेपछि बुटवल झरेका थिए ।
बुटवलको आम्दा अस्पताल नजिकै चिया पसल खोलेर ३ वर्षसम्म सोही होटेलबाट भएको आम्दानीले नै उनले कक्षा १२ उत्तीर्ण गर्न सफल भए त्यसपछिको पूरा समय अध्ययनमा लगाएर ब्याचलर पास गर्न सफल भए । यस्तै बुटवलका हाट बजार लाईन पनि केही समय व्यापार  गरेका थिए ।  कम उमेर मै मेहनेत र अनुभवले खारिएका छन् ।
त्यसपछि पुरानो बस पार्कमा जनसेवा गुल्मेली खाजा घर सञ्चालनमा ल्याएका थिए । उक्त होटेल ३ वर्षसम्म सञ्चालन गरेपछि उक्त होटेल छाडेर बुटवलकै योग कुटीमा कामना गेस्टहाउस सञ्चालनमा ल्याए । उक्त गेस्टहाउसलाई भने उनले लामो समय निरन्तरता दिन सकेनन् । सम्झौता मिति नसकिँदै घरबेटीले खाली गर्न भनेपछि उक्त गेस्टहाउस बन्द गरी उनले बुटवलको राजमार्ग चौराहामा होटेल हाईल्याण्ड सञ्चालनमा ल्याएका छन् ।

यस्तै बुटवलको कालिका नगरमा रहेको सत्कार होटेल  एन्ड रेष्टुरेष्ट  बुटवलका कालिका नगरमा रहेको छ । यी विभिन्न व्यवसायमा  अनुभव र  सिकाई ले होटेल तथा रेष्टुरेष्ट व्यवसायमा नेतृत्वमा उनको पनि   अगाडि पुराएको छ । होटेल तथा रेष्टुरेष्ट व्यवसायी सङ्घ रुपन्देहीमा उनी २०६५ सालदेखि जोडिएको छन् । कार्य समिति सदस्य हुँदै सचिवको रूपमा रहेको छ । अहिले  महासचिवका उम्मेददार रहेका छन् । उनै थापासँग गरिएको छोटो कुराकानी

महासचिवमा तपाईँको उम्मेदवारी किन

होटेल तथा रेष्टुरण्ट व्यवसायी सङ्घ व्यावसायिक हक हित र अधिकार प्राप्त गर्ने, सबै खाले समस्या बिसाउने र समाधान खोज्ने साझा चौतारी हो । यसलाई यसै गरी साझा चौतारी बनाई राख्नका लागि मेरो उम्मेदवारी हो । सङ्घले व्यवसायीहरू सङ्गठित गराउने प्रारम्भिक कार्य भए पनि हालको अवस्थामा आई पुग्दा यसका उद्देश्य, दायरा तथा चुनौतीहरू दिनानुदिन फराकिला हुँदै गइरहेका छन् । व्यवसायीहरूका आम समस्याहरू सही तरिकाले सम्बोधन हुन नसक्दा जस्ताको तस्तै छन् ती समस्याहरूको समाधान गर्नका लागि मेरो उम्मेदवारी हो ।

तपाई महासचिव भएपछि गर्ने प्रतिवद्धताहरु के–के छन्
कोरोना महामारीद्वारा अति प्रभावित भएको होटेल तथा रेस्टुरेन्ट व्यवसायलाई उकास्न राजनीतिक, जातीय तथा आर्थिक भेदभाव हटाई व्यावसायिक हक र अधिकारलाई संस्थागत गर्नु मेरो मुख्य उद्देश्य रहने छ । व्यवसायीहरूलाई भैपरि आउने समस्याहरूलाई राहत प्रदान गर्न व्यावसायिक हित कल्याणकारी कोष निर्देशिकालाई थप व्यवस्थित र प्रभावकारी रूपले कार्यान्वयन गर्ने मेरो प्रतिबद्धता छ । व्यावसायीहरुका गुनासा र समस्याहरू २४ सै घण्टा सुन्न तथा समाधान गर्न विशेष हेल्प डेस्कको व्यवस्था मिलाउने होटेल तथा रेस्टुरेन्ट व्यवसायलाई पर्यटन उद्योग व्यवसायको रूपमा स्थापित गरी व्यवसायी पहिचान र अस्तित्वको निम्ति काम गर्ने मेरो योजना छ । बुटवलमा रात्रिकालीन उज्यालो सहर तथा व्यवसाय सञ्चालनका विषयहरू भाषण मात्र सीमित रहेको अवस्थामा सम्बन्धित निकायहरूसँग छलफल तथा दबाब सृजना गरी लागु गराउन मेरो पहल रहनेछ ।

तपाईँले निर्वाचन जित्ने आधार के–के हुन
पर्यटन उद्योग रूपमा  विकास गर्ने , अस्वस्थ प्रतिस्पर्धालाई सेवा सुविधाको आधारमा  वर्गीकरण गरी सोही अनुसारको मुल्यसुची पनि तोक्नु पर्ने हुन्छ  । होटेल तथा रेष्टुरेष्ट स्थानीय खानाको परिकार पाक्ने वातावरण गर्ने छौ । मैले सानादेखि ठुलासम्म सबै होटेल व्यवसायीहरूको समस्यालाई नजिकबाट जानेको छु, चिनेको छु । लामो समय यस सङ्घको कार्यालयमा कर्मचारीका रूपमा रहेर तथा पदाधिकारीको रूपमा काम गरेको अनुभवका आधारले पनि अधिकांश व्यवसायीहरूसँग प्रत्यक्ष साक्षात्कार गरेका कारण उहाँहरूले मलाई विश्वास गर्नुहुन्छ भन्नेमा म ढुक्क छु । यसै गरी यसअघि सचिव पदमा निर्विरोध सचिव भएर २ वर्षसम्म काम गरेका आधारले पनि महासचिवमा मेरो उम्मेदवारीलाई सबै मतदाताले स्वाभाविक मान्नुहुन्छ भन्नेमा म विश्वस्त छु । आशा छ व्यवसायीहरूले यो चैत्र २५ गते नयाँ नेतृत्वका लागि हुने निर्वाचनमा मलाई मतदान गरेर विजयी गराउन योगदान गर्नुहुने छ ।