लुदअ, कपिलवस्तु
नेकपा (एमाले) का कपिलवस्तु जिल्ला अध्यक्ष डम्मर शर्माले १३४औं अन्तर्राष्ट्रिय श्रमिक दिवसको अवसरमा आज स्वदेश तथा विदेशमा रहेका सम्पूर्ण नेपाली श्रमजीवीहरूलाई शुभकामना दिनुभएको छ ।
अध्यक्ष शर्माल एक शुभकामना सन्देश जारी गर्दै दिवसले आफ्नो हक, हित, अधिकार तथा स्वतन्त्रताको रक्षार्थ विश्वभरिका सम्पूर्ण श्रमजीवीहरूलाई एकताको सुत्रमा बाँध्न सहयोग पुग्ने विश्वास गर्नुभएको हो ।
उहाँले नेपालको संविधानले मौलिक हकको रुपमा ब्यवस्था गरेको नागरिकको नैसरगिक अधिकार गाँस, बाँस, कपासको ग्यारेन्टी गर्ने विषय प्रति नेकपा (एमाले) संवेदनशिल रहेको जनाउनु भएको छ । श्रमिकका आधारभुत अधिकारको ग्यारेण्टीबाट मात्र देशको संविधानमा ब्यवस्था गरेको समाजवाद उन्मुख अर्थतनत्र निर्माण संभव छ ।
विश्व ब्यापी मान्यताको रुपमा स्थापित श्रमिकको नैसरगिक अधिकार आठ घण्टा काम, आठ घण्टा आराम र आठ घण्टा मनोरन्जनलाई पूर्ण रुपमा ब्यवहारत कार्यान्वयका निम्ति यस मजदुर दिवसले नेपाल सरकार एवम् संवद्ध सबैमा प्रेरणा प्रदान गर्ने शुभेच्क्षा प्रकट गर्दछौं सन्देशमा लेखिएको छ ।
श्रमशक्तिको प्रमुख आधार मजदुर वर्गको जीवीकोपार्जनका निम्ति निश्चित मापदण्ड निर्माण गरी उचित पारिश्रमिक लागु गर्ने विषयलाई कार्यान्वयनका निम्ति सम्वद्ध सबैमा आग्रह गर्दछौं । देशमै रोजगारी श्रृजना गरी युवा शक्ति प्लायनबाट रोक्नका निम्ति स्वदेशी उत्पादनमुखी अर्थतन्त्र निर्माण कार्यमा नेपाल सरकारको आगामी बजेट फलदायी बन्नेमा विश्वास ब्यक्त गर्दछौं भनिएको छ ।
अन्तराष्ट्रिय मजदुर दिवर अर्थात (मे १ ) ले श्रमिकको उचित पारिश्रमिक, सामाजिक सुरक्षा, ब्यवस्थित कार्य थलो लगायतका आधारभुत विषय प्रति संम्वद्ध सबै जिम्मेवार बन्नेमा आफु विश्वस्त रहेको अध्यक्ष शर्माको भनाई छ ।
उद्यमशीलताको विकास गर्न पूँजी लगानी गर्ने उद्यमी र श्रम तथा सीप लगानी गर्ने श्रमिकहरू दुवैको योगदान उत्तिकै महत्वपूर्ण हुने भएकोले मर्यादित श्रमको वातावरण निर्माण गरी उत्पादन र उत्पादकत्व वृद्धि गर्नु मुख्य हुने उहाँले बताउनुभएको छ ।
