उत्पादनमा वृद्धि गरि कृषिमा आत्मनिर्भर बन्नु पर्नेमा सांसद अधिकारीको जोड

[sharethis-inline-buttons]

थानेश्वर अधिकारी, कपिलवस्तु
प्रतिनिधि सभा सांसद बलराम अधिकारीले राष्ट्रिय धान दिवसको अवसरमा सम्पुर्णमा हार्दिक शुभकामना व्यक्त गर्नुभएको छ । अखिल नेपाल किसान महासंघ शुद्धोधन गाउँकमिटीद्धारा राष्ट्रिय धान दिवसको अवसरमा आयोजित रोपाई महोत्सव कार्यक्रमलाई सम्बोधन गर्दै धान दिवस मनाउनुको संस्कृती र सभ्यता जोगाउनु रहेको बताउनुभएको हो ।

कार्यक्रमका प्रमुख अतिथि समेत रहनुभएका सांसद अधिकारीले हाम्रो देश कृषि प्रधान देश भएकाले उत्पादनमा वृद्धि गरि कृषिमा आत्मनिर्भर बनाउनका लागि नेपाल सरकारले पर्याप्त मात्रामा सिंचाई, मल, वीउ उपलब्ध गराउने खालको स्थायित्व र जन्ता केन्द्रित नीति ल्याउन आवश्यक रहेको बताउनुभयो ।

नेपाल सरकारले खाद पर्याप्त छ भन्छ तर कृषि सामार्ग्री संस्थानले एक तिहाईलाई मात्र पुग्ने मल छ भन्छ नेपालमा खाद उद्योग खोल्न सरकाले पर्याप्त पुर्वाधारको विकास गर्नुपर्नेमा जोड दिनुभयो । सांसद अधिकारीले बहुदल आएपछी सरकारको बजेट पास गर्नका लागि भोटिङ गरेको अहिले पहिलो पटक रहेको उल्लेख गर्दै नीति, कार्यक्रम तथा बजेटमा कृषिलाई प्राथमिकता दिनुपर्ने बताउनुभएको हो ।
उहाँले जनताको अधिकारको रुपमा रहेको सुरक्षित खानेपानीका लागि १०% श्रमदान हटाउनका लागि खानेपानी मन्त्रीसंग आफुले निरन्तर रुपमा छलफल र परामर्श गरिरहेको बताउनुभयो । सांसद अधिकारीले संघीय सांसदले नीति बनाउने काम मात्र गर्ने भएकाले बजेट राख्ने काम स्थानिय प्रदेश सरकारको र योजनाको समयमा प्रक्रिया पछि प्रदेश र स्थानिय तहमा राख्नुपर्ने बताउनुभएको हो ।

त्यस्तै प्रदेश सभा सांसद मधुसुदन शरण चौधरीले सरकारले पर्याप्त मात्रामा किसानहरुलाई पर्याप्त मात्रामा मल उपलब्ध गराउन नसकेको भन्दै जग्गा चक्ला बन्धी गर्नुपर्ने माग आफुहरुले सदनमा कुरा उठाए पनि सुनुवाई हुन नसकेको बताउनुभयो । उहाँले वास्तविक किसानले अनुदान सहयोग पाउन नसकेको भन्दै मल बीउका लागि नेपालमै सहज व्यबस्थाका लागि कुरा उठाईरहेको बताउनुभयो ।

त्यस्तै नेकपा (एमाले) जिल्ला कमिटी कपिलवस्तुका अध्यक्ष डम्मर शर्माले अहिले धान दिवस मनाईरहदा कृषकहरुलाई मल, बीउको संकट हुनु विडम्बनाको बिषय रहेको बताउनुभयो । वास्तविक कृषकहरुलाई कुन तहको बिषादी प्रयोग गर्ने भन्ने प्रशिक्षण दिन आवश्यक रहेको भन्दै राजनितिक आस्थाको आधारमा विभेद गर्न नहुने बताउनुभयो । उत्पादनका लागि रासायनिक मल भन्दा जैविक मलको प्रयोग गर्न कृषकहरुलाई अनुरोध गर्दै नेपालमा खाद्य संकट समाधान गर्न अखिल नेपाल किसान महासंघले गरेको योगदान अतुलनिय रहेको बताउनुभयो ।

 


प्रकाशित : २०८० असार १५, शुक्रबार १८:५२