लुदअ,कपिलवस्तु । कपिलवस्तु जिल्लाबाट ८ जना नेपाल विद्यार्थी संघका नेताहरु केन्द्रीय सदस्यमा मनोनित भएका छन् । नेपाली कांग्रेस निकट विद्यार्थीहरुको संगठन नेपाल विद्यार्थी संघको केन्द्रिय सदस्यका लागि कपिलवस्तुका विभिन्न स्थानमाबाट ८ जना विद्यार्थीहरु मनोनित भएका हुन ।
कपिलवस्तुका विद्यार्थी नेताहरु माधव पौडेल, टिआर पाण्डे, कृष्ण गिरी, संदिप यादव, दिपेन्द्र रेग्मी, मञ्जु विश्वकर्मा, कृष्ण आचार्य र शिखर प्रसाद आचार्य नेपाल विद्यार्थी संघको केन्द्रिय सदस्यमा मनोनित भएका छन् ।
नेपाली कांग्रेसका सभापति शेरबहादुर देउवाले दुजाङ शेर्पाको अध्यक्षतामा गठित नेपाल विद्यार्थी संघ केन्द्रीय तदर्थ कार्यसमितिको सदस्यमा सोमबार मनोनित गरेका हुन् । सभापति देउवाले ७७ वटै जिल्लाको प्रतिनिधित्व हुनेगरी ७१० केन्द्रिय सदस्य मनोनयन गरेका थिए ।
माधव पौडेल नेविसंघका कार्यवाहक कपिलवस्तु जिल्ला सभापति समेत हुन । टि.आर पाण्डे नेविसंघको निर्वाचित क्षेत्रीय प्रतिनिधि जिल्लामा नेविसंघ नेताको रुपमा चिनिन्छन । मनोनित भएका अन्य विद्यार्थी नेताहरु नेविसंघ कपिलवस्तुमा सक्रिय रहेका छन् ।
प्रकाशित : २०८० श्रावण २४, बुधबार १४:४९
