हरि आचार्य, कपिलवस्तु
राष्ट्रिय प्रजातन्त्र पार्टी (राप्रपा) को भूगोल केन्द्रित नवीन राप्रपाको अवधारणा अनुसार राप्रपा कपिलवस्तुले संगठन विस्तार अभियानलाई दु्रत गतिमा अगाडि बढाएको छ । सोहि क्रममा कपिलवस्तुको शुद्धोधन गांउपालिकामा पार्टीको कार्यालय खोलिएको छ ।
पार्टीका केन्द्रिय सदस्य धुर्व रायमाझीले कार्यालयको उद्घाटन गर्नुभएको हो । उद्घाटन गर्दै केन्द्रिय सदस्य रायमाझीले बिचार नेतृत्वको हिसाबले अरु अन्य पार्टि भन्दा फरक रहेको बताउनुभएको छ । बाणगंगा नगरपालिका, मायादेवी र शुद्धोधन गाउँपालिका भुगोलको जिम्मेवारी समेत पार्टीले रायमाझाीलाई दिएको छ ।
त्यस्तै रायमाझीले र ठुला दलले नेतृत्व गर्दा भ्रस्ट्राचा मौलाएकाले मुलुक बचाउन, धर्म बचाउन, सुशासन र भ्रस्ट्राचार मुक्तको लागि राप्रपाले निकट भबिष्यमा गर्न लागेको आन्दोलनलाई सफल बनाउन सबैजना लाग्नुपर्नेमा जोड दिनुभयो । कार्यक्रमका प्रमुख अतिथि समेत रहनुभएका उहाँले आगामी निर्बाचनमा राप्रपाका उम्मेद्वारहरुलाई जिताउनका लागि अहिले देखि नै वडा, टोलमा पार्टी र संगठनलाई मजबुत बनाई जनतालाई कुरा बझाउनका लागि घरदैलो गर्न कार्यकर्तालाई आग्रह गर्नु भयो ।
सो अबसरमा शुद्दोधन युवक संगठन अध्यक्ष धिताल मुरिया, उपाध्यक्ष पुनिता पासि, सचिव राजेश कुमार लोय र कोषाध्यक्ष जितेन्द्र यादव रहेको समिति गठन गरिएको छ ।
उक्त भेलालाई प्रदेशसभा १ क अध्यक्ष रामु शर्मा, देवेन्द्र श्रीवास्तव जितेन्द्र चौधरी, दुर्गन सिह चौधरी, भिम शाहि, पार्टीका जिल्ला अध्यक्ष नारायण बहादुर सिंहले सम्बोधन गर्नुभएको थियो । भेला शुद्दोधन गांउँपालिका अध्यक्ष बिजय कुमार पान्डेको अध्यक्षता रहेको थियो भुमिराज गिरिको सञ्चालनमा सम्पन्न भएको थियो ।
