काठमाडौं । नेपाली बजारमा आज सुनको मूल्य घटेको छ ।
नेपाल सुनचाँदी व्यवसायी महासंघले आज छापावाल सुनको मूल्य तोलामा सात सय रुपैयाँ घटेको जनाएको छ । छापावाल सुन प्रतितोला आज एक लाख १८ हजार ८ सय रुपैयाँमा कारोबार भइरहेको छ ।
आइतबार प्रतितोला एक लाख १९ हजार पाँच सय रुपैयाँमा किनबेच भएको थियो । यस्तै तेजाबी सुनको मूल्य पनि तोलामा सात सय रुपैयाँ घटेको छ ।
आज तेजाबी सुन प्रतितोला एक लाख १८ हजार २५० रुपैयाँमा कारोबार भइरहेको छ । आइतबार प्रतितोला एक लाख १८ हजार ९५० रुपैयाँ मूल्य कायम गरिएको थियो ।
आज चाँदीको मूल्य पनि तोलामा ५ रुपैयाँ घटेर एक हजार ४१५ रुपैयाँमा कारोबार भइरहेको छ । आइतबार एक हजार ४२० रुपैयाँमा कारोबार भएको थियो ।
प्रकाशित : २०८० पुष २३, सोमबार १३:०३
