लुदस, काठमाण्डौ
नेकपा माओवादी केन्द्रले पार्टी पदाधिकारीको बैठक बोलाएको छ । बैठक केहीबेरमा प्रधानमन्त्रीको निवास बालुवाटारमा बस्दैछ । दुई ठूला दल नेपाली काँग्रेस र एमालेबीच गएराति नयाँ सरकार गठनका लागि सहमति भएसँगै पछिल्लो घटनाक्रमबारे छलफल गर्न माओवादीको पदाधिकारी बैठक बस्न लागेको हो ।
यसैबीच प्रधानमन्त्री पुष्पकमल दाहाल ुप्रचण्डु नेतृत्वको सरकारमा एमालेबाट मन्त्री बनेकाहरुले आजै राजीनामा दिने तयारी गरेका छन् । राजीनामा बुझाएपछि नयाँ सरकार गठनको प्रक्रिया शुरु हुने नेताहरुको भनाइ छ ।
विकसित राजनीतिक घटनाक्रमका बारेमा छलफल गर्न एमालेको सचिवालय बैठक आज दिउँसो बस्दैछ । आज दिउँसो ३ बजे ललितपुर, च्यासलमा रहेको पार्टी केन्द्रीय कार्यालयमा बस्ने सचिवालय बैठकमा पछिल्लो राजनीतिक घटनाक्रमका बारे छलफल हुने एमाले प्रचार विभाग प्रमुख राजेन्द्र गौतमले जानकारी दिनुभयो ।
