लुदस, कपिलवस्तु
नेकपा एमाले शिवराज नगरपालिका नगर कमिटीको दोस्रो नगर अधिवेशनबाट महादेव पोख्रेल अध्यक्ष पदमा निर्वाचित भएका छन्। आज सम्पन्न भएको नगर अधिवेशनमा पोख्रेललाई सर्वसम्मत रुपमा अध्यक्ष पदमा निर्वाचित गरिएको नेकपा एमाले कपिलवस्तुका अध्यक्ष बाबुराम खनालले जानकारी दिनुभयो।
निर्वाचित अध्यक्ष महादेव पोख्रेलले पार्टीको विधान अनुसार अघि बढ्ने प्रतिबद्धता जनाउँदै, पार्टीलाई थप सशक्त र संगठित बनाउने आफ्नो लक्ष्य रहेको बताउनुभयो । उहाँले नगरका कार्यकर्ताका आवश्यकताहरुलाई प्राथमिकता दिँदै पार्टीलाई बलियो बनाउने प्रतिज्ञा पनि गर्नुभयो।
त्यस्तै उपाध्यक्षमा टेकलाल सापकोटा ,सचीवमा रोसन एमसी ,उपसचिवमा गोपाल प्रसाद बन्जाडे , महिला उप सचीवमा शान्ता बिक निर्वाचित हुनु भएको हो ।अध्यक्ष पदमा पोखरेल, सचीवमा एमसी र महिला उपसचिव र अन्य सदस्य पदमा सर्वसम्मत नेतृत्व चयन भएको हो भने उपाध्यक्ष पदमा मतदान भएको थियो ।
उपाध्यक्ष पदका उम्मेदवार टेकलाल सापकोटा ७९ मत सहित बिजयी हुनु भएको छ भने उहाँका प्रतिशप्रधी ढुंण्डिराज अधिकारिले ४८ मत प्राप्त गर्नु भएको थियो । त्यस्तै उप सचीव पदमा गोपाल प्रसाद बन्जाडेले ८३ मत सहित बिजयी हुंदा उहाँका प्रतिशप्रधी बेलसिंह रावतले २८ र राजकुमार यधा क्षेत्रीले १५ मत प्राप्त गर्नु भएको थियो ।
त्यस्तै लेखा आयोग अध्यक्षमा नारायण आचार्य ,उपाध्यक्षमा घनश्याम बेल्बासे ,सचिव पदमा रुद्र कार्की निर्वाचित हुनु भएको छ ।हिजो भएको एमाले नगर अधिवेशनबाट ६३ सदस्यीय नगर कमिटी गठन भएको छ ।
अधिवेशनले पार्टीलाई आगामी दिनमा थप सशक्त बनाउनका लागि नयाँ नेतृत्व चयन गरेको हो ।
