रामबहादुर गन्धर्व, कपिलवस्तु
नेपाल उत्पीडित जातिय मुक्ति समाज बाणगंगा नगर कमिटीको छैठौं नगर सम्मेलन चैत २ गते हुने भएको छ । नेकपा एमाले जिल्ला सचिव सि.बी.गहतराजले प्रशिक्षण दिदै तेईस वटा जनवर्गीय संगठन मध्ये मुक्ति समाज सातौं स्थानमा रहेको खुलासा गर्दै दलितहरूको अधिकार प्राप्तिका लागि मुक्ति समाजको सदस्यता बृद्व गर्न निर्देशन दिदै सबै एकजुट हुनुपर्नेमा जोड दिए ।
मुक्ति समाजका केन्द्रीय सदस्य टीकाराम सुनार, सुमित्रा परियार लगाएतले बैठकमा बोल्दै मुक्ति समाजका गतिविधिहरूलाई सक्रिय बनाउन सबै एक भएर लाग्नुपर्नेमा जोड दिदै सफलताको शुभकामना दिए । नेकपा एमालेका नगर कमिटीका अध्यक्ष सोमनाथ अर्यालले पार्टीले सञ्चालन गरेको जरा अभियानलाई सफल पार्न जनताको घरदैलोमा पुगि सुझाव संकलन गर्नुका साथै पार्टी भित्रका कमीकमजोरी सुधार गर्नुपर्ने बताए ।
त्यस्तै मुक्ति समाजले संगठनका सदस्यहरू भित्र परेका दुर्घटनाको शिघ्र स्वास्थ्य लाभ, ब्रह्मलिन भएका घरपरिवारमा समवेदना प्रकट गर्दै विभिन्न संगठनमा पदस्थपना भएका पदाधिकारीहरूलाई हार्दिक बधाई समेत ज्ञापन गरेको थियो । मुक्ति समाजका प्रदेश, जिल्ला कमिटीका पदाधिकारी, जनप्रतिनिधि लगायतको बिशेष उपस्थिति रहेको नेपाल उत्पीडित जातिय मुक्ति समाज नग कमिटीको बिस्तारित बैठक कृष्ण बि क.को अध्यक्षता, रघुनाथ बि.क.को स्वागत तथा गणेश परियारको सञ्चालनमा सम्पन्न भएको थियो ।
