श्री पञ्चमी बचत तथा ऋण सहकारी संस्था लि तिलोत्तमा ८ ले ज्योति आधारभूत विद्यालय मा शैक्षिक सामग्री वितरण गरेको छ। श्री पञ्चमी बचत तथा ऋण सहकारी संस्थाका उपाध्यक्ष एवम शैक्षिक सामग्री वितरण कार्यक्रम मा संयोजक बिन्दु देवी भण्डारीको अध्यक्षतामा कार्यक्रम सम्पन्न भएको हो ।कार्यक्रम मा बोल्दै शैक्षिक सामग्री वितरण समिति संयोजक बिन्दु देवी भण्डारीले विद्यालयमा गुदस्तरिए शिक्षाको विकास शैक्षिक पहुंच र विद्यार्थीको सिकाइ स्तर सुधारका लागि संस्थागत तथा सामाजिक सहयोग अपरिहार्य रहेको धारणा व्यत्त गर्नुभयो ।उहाँले सहकारी जस्ता संस्थाले निरन्तर यस्ता कार्यक्रम ल्याउँदा विद्यालयको प्रगति र विद्यार्थीको मनोबल बढ्ने बताउनुभयो । कार्यक्रम मा बोल्दै संस्थाका अध्यक्ष मोहनराज शर्माले सहकारी केवल आर्थिक कारोबारका लागि मात्र नभई समाज प्रतिको दायित्व बहन गर्ने संस्था रहेको बताउनुभयो । उहाँले विद्यार्थी लाई अनुशासित भएर मेहनत पूर्वक पढ्न आग्रह गर्दै संस्थाले आगामी दिनमा पनि यस्ता सहयोगलाई निरन्तर दिने प्रतिवद्धता जनाउनुभयो । कार्यक्रम मा बोल्दै विद्यालय का अध्यक्ष नर बहादुर थापाले सहकारी संस्थाको सहयोग प्रति आभार व्यक्त गर्नुभएको थियो। उहाँले विद्यार्थी हरुका लागि गरिएको सहयोग प्रेरणादायी भूमिका खेल्ने बताउनुभयो ।विद्यालयका १ देखि ३ सम्मका विद्यार्थीलाई झोला वितरण गरिएको कार्यक्रम को सञ्चालन संस्थाका सचिव रामाकान्त भुसालले गर्नुभएको थियो ।