बाबुराम रायमाझि, कपिलवस्तु
बैशाख ३० हुने स्थानीय निर्वाचनमा वाणगंगा ९ भलवाडमा नेकपा एमालेले लामो समयसम्म शिक्षण पेशा गरि अवकाश हुनु भएका शैक्षिक ब्याक्तित्व कमल पौडेललाई वडाध्यक्ष पदका लागि अघि सारेको छ । अर्घाखाँची जिल्ला शितगंगा नगरपालिका ठाडामा जन्मिनुभएका पौडेल २०३६ सालदेखि राजनीति क्षेत्रमा प्रवेश गर्नुभएको हो । पार्र्टीको वडा कमिटि, नगर कमिटी हुंदै हाल जिल्ला कमिटि सदस्यमा रहनु भएको छ ।
पौडेलले वडाध्यक्ष पदमा निर्वाचित भएमा वडाको चौतर्र्फी विकास गर्दै समृद्ध वडा बनाउनका लागि लागिपर्ने बताउनुभयो । वडामा शिक्षा, स्वास्थ, सडक, बिद्युत, सिचांइको विकास गर्ने बताउनुभयो । त्यस्तै वडा कृषिका लागि उर्वरभुमी भएकाले कृषिमा आत्मनिर्भर बनाउनका लागि विभिन्न योजना सञ्चालन गर्ने बताउनुभयो । त्यसका लागि कृषि अनुदानका कार्यक्रम सञ्चालन गर्ने, सिंचाईको पर्याप्त विकास गर्ने, कृषि औजारहरु प्रदान लगायत कृषकका माग अनुसार अगाडि बढ्ने बताउनुभयो ।
त्यस्तै वडाध्यक्ष पदका उम्मेद्वार पौडेलले नदी कटानको रोकथामका लागि तटबन्ध निर्माण, प्राकृतिक श्रोत साधन तथा नदीजन्य पदार्थको संरक्षण र प्रवद्र्धन गर्ने र वडाले संचालन गर्दै आएका अधुरा योजनाका कामलाई क्रमिक रूपमा पूरा गरि वाणगंगा ९ भलवाडको मुहार फेर्न आफू योजनाबद्ध तवरबाट अगाडि बढ्ने प्रतिवद्धता व्यक्त गर्नुभएको छ । वडाध्यक्षमा पौडेलसंगै महिला सदस्य पदमा केशरा गुरुङ, दलित महिला सदस्य पदमा बसन्ती गायन, खुला वडा सदस्य पदको उम्मेद्वारमा नुमलाल चौधरी र भिम बहादुर पुन चुनावी मैदानमा उत्रीनुभएको छ ।
