हरि आचार्य, कपिलवस्तु

अर्घाखाँचीको शितगंगा नगरपालिका वडा नंं ६ का वडाध्यक्ष पदका उम्मेद्वार गोबिन्द पोख्रलले निर्वाचित भएका वडालाई समृद्ध बनाउने खाका तयार पार्नका लागि चुनावी मैदानमा उत्रीनुभएको छ । नेकपा एकिकृत समाजवादीका तर्फबाट गठबन्धनका तर्फबाट वडाध्यक्षका उम्मेद्वार पोख्रेलसंगै महिला सदस्यमा कुशुम थापा, दलित महिला सदस्यमा गिता विक, खुल्ला सदस्यमा कमल ज्ञवाली र सुर्य बहादुर सारु जनताको सेवा गर्ने अठोटका साथ निर्वाचनमा उत्रीनुभएको छ ।

वि.स.२०४२ विद्यार्थी सालमा विद्यार्थीकाल देखि नै राजनीतिमा होमिनुभएका वडाध्यक्ष पदका उम्मेद्वार पोख्रेल विभिन्न आन्दोलन तथा जिम्मेवारीको राम्रो अनुभव भएको व्यक्तिको रुपमा चिनिनुहुन्छ ।

नेकपा एकिकृत समाजवादी अर्घाखाँचीको जिल्ला कमिटि सदस्य समेत रहनुभएका वडाध्यक्षका पदका उम्मेद्वार पोख्रेल गत स्थानीय तहको निर्वाचनमा जिल्ला भरीका वडा सदस्य मध्ये लोकप्रिय मतका साथ वडा सदस्यमा निर्वाचित हुनुभएको थियो ।
वडा सदस्य भएर काम गर्दा वडा र वडावासीको आवश्यकता र मागको बारेमा थाहा भएकोले अब वडाध्यक्ष भएर ती माग र आवश्यकता पुरा गर्ने अठोटका साथ वडाध्यक्षमा उम्मेद्वारी दिएको बताउनुभयो ।

शिवादह माविको निर्वाचन मार्फत २ कार्यकाल अध्यक्षको जिम्मेवारी सम्हाल्नुभएका पोख्रेल करिव १७ बर्ष देखि सदस्यमा रहदै आउनुभएको छ जस्ले गर्दा शिक्षा क्षेत्र तर्फ पनि उहाँलाई राम्रो ज्ञान छ ।

युवा, प्रखर वक्ता र समाजसेवीको रुपमा परिचित वडाध्यक्षका उम्मेद्वार पोख्रेलले आफु निर्वाचित भएमा भौगोलिक विकटताका कारण वृद्धवृद्धाहरुलाई राज्यले प्रदान गर्ने सामाजिक सुरक्षा भत्ता बुझ्नका लागि ठाडा अमराई जाने समस्यालाई हल गरी वडाबाटै ब्यबस्था गर्ने पहिलो प्राथमिकता रहने प्रतिवद्धता व्यक्त गर्नुभएको छ । टाढाबाट सामाजिक सुरक्षा भत्ता बुझ्नका लागि ज्येष्ठ नागरिक टाढा धाउनुपर्ने समस्या तर्फ अन्य जनप्रतिनीधिको ध्यान नगएको बताउदै आफुले त्यसको हल गर्ने बताउनुभयो ।

त्यस्तै शिवादह माविलाई आफ्नो कार्यकाल भित्र कक्षा १२ सम्म अध्यापन हुने ब्यबस्था गर्ने, गुणस्तरीय शिक्षाका लागि पहल पर्ने बताउदै सडक स्तरोन्नती तथा कालोपत्रेका लागि पहल गर्ने बताउनुभयो । त्यस्तै अपांगता भएका व्यक्ति, ज्येष्ठ नागरिक, ग्रामिण भेगका पछाडी परेका महिला, गरिव, विपन्न तथा दलित समुदाय लगायत सबै वडावासीलाई समावेश गरेर अगाडि बढ्ने उहाँले बताउनुभयो ।
वडाध्यक्षमा निर्वाचित भए पछि वडाको समग्र शिक्षा, स्वास्थ्य, कृषि, रोजगार, भौतिक विकास निर्माण, खानेपानी, विद्युत लगायतका विकासका पुर्वाधारलाई विशेष प्राथमितका साथ अगाडि बढाउने पोख्रेलले बताउनुभयो ।

मतदाताले पनि समाजसेवीलाई वडाध्यक्षको उम्मेद्वारको रुपमा पाउँदा खुसी व्यक्त गर्दै भोट हाल्न उत्सुक भएका छन् । दैनिक १ सय जना नेता तथा कार्यकर्ताहरुको उपस्थितीमा घरदैलो तथा मतदाता भेटघाट कार्यक्रम भईरहेको शितगंगा ६ गठबन्धन निर्वाचन परिचालन कमिटिले जनाएको छ ।