लुदअ रुपन्देही ९ जेठ
वैशाख ३० गते भएको स्थानीय तहको निर्वाचनमा रुपन्देहीका १६ वटा स्थानीय तहमध्ये नेकपा माओवादी केन्द्र र नेकपा एकीकृत समाजवादी पार्टीले कुनै पनि पालिकामा प्रमुख र उपप्रमुख जित्न सकेनन् । १६ स्थानीय तह ९पालिका० रहेको रुपन्देही जिल्लाका १४ वटा पालिकाको मतपरिणाम आएको छ भने २ वटा पालिकाको मतपरिणाम आउन बाँकी छ ।
नतिजा आएका स्थानीय तहमा माओवादी र एकीकृत समाजवादी निल भएको छ । यस्तै मतगणना हुँदै गरेका दुई स्थानीय तहमा पनि एउटामा नेपाली काँग्रेस र अर्कोमा नेकपा एमालेका उम्मेदवार अगाडि छन् । ती दुवै ठाउँमा माओवादी र समाजवादी विजय हुने सम्भावना छैन । मतपरिणाम आएका १४ पालिकामध्ये ९ वटामा काँग्रेस, तीन वटामा एमाले र एक पालिकामा जनता समाजवादी पार्टी र एकमा जनता प्रगतिशिल पार्टीले जित हासिल गरेका छन् । मत गणना हुँदै गरेका तिलोत्तमा नगरपालिकामा काँग्रेस भने कोटहीमाई गाउँपालिकामा एमाले अगाडि रहेको हो ।
काँग्रेसले बुटवल उपमहानगरपालिका, सैनामैना नगरपालिका, सिद्धार्थनगर नगरपालिका, लुम्बिनी साँस्कृतिक नगरपालिका ,मायादेवी गाउँपालिका सुद्धोधन गाउँपालिका, सियारी गाउँपालिका, कञ्चन गाउँपालिका, सम्मरीमाई गाउँपालिको प्रमुख जितेको हो । देवदह नगरपालिका एमाले जित हासिल गरेको छ । यस्तै ओमसतीया गाउँपालिका र गैडहवा गाउँपालिका पनि एमालेल जितेको छ । एमाले विगतमा बलियो रहेको स्थानीय तहमा नेपाली काँग्रेस हावी भएको हो ।यस्तै नयाँ पार्टी हृदेश त्रिपाठीको जनता प्रगतिशिल पार्टीले मर्चवारी गाउँपालिकामा जित निकाल्न सफल भएको हो । यस्तै रोहिणी गाउँपालिका जनता समाजवादी पार्टीले जित हासिल गरेको छ । सत्तारुढ दलहरुबीच बुटवल उपमहानगरपालिका मात्रै तालमेल भएको थियो ।
