हरि आचार्य, कपिलवस्तु
नेकपा एमालेले समानुपातिक पद्धतिबाट चयन हुने लुम्बिनी प्रदेशसभा सदस्यको नाम टुंगो लगाएको छ । पार्टीको सचिवालय बैठकले ११ सांसदको नाम टुंगो लगाएको हो । जसमा एकमात्र पुरुषमा गिरिधारीलाल न्यौपाने पनि पर्नुभएको छ । नेकपा (एमाले) लुम्बिनी प्रदेश सह ईन्चार्ज, केन्द्रिय सदस्य तथा पार्टीको कृषि तथा पशुपंक्षी विभाग प्रमुख समेत रहनुभएका न्यौपानेले सुर्य चिन्हमा मतदान गर्नुहुने सम्पुर्णमा आभार एवम् धन्यवाद ज्ञापन गर्नुभएको छ ।
उहाँले नेकपा एमालेको तर्फबाट समानुपातिक प्रणालिबाट लुम्बिनी प्रदेश सभा सदस्यमा सुर्य चिन्हमा मतदान गरि निर्वाचित गराउनुभएकोमा सम्पुर्ण भिन्न विचार भएका मतदाता प्रति हार्दिक धन्यवाद व्यक्त गर्नुभएको छ । यसैगरि लुम्बिनी प्रदेश सभा सदस्य पदमा सिफारिस गर्नुभएकोमा पार्टीका केन्द्रिय अध्यक्ष केपी शर्मा ओली र पार्टीका सचिवालय पदाधिकारी तथा सदस्यहरुलाई पनि विशेष धन्यवाद व्यक्त गर्नुभएको छ ।
निर्वाचनका सन्दर्भमा प्रत्यक्ष एवम् परोक्ष रुपमा पार्टीका उम्मेद्वार र सिंगो निर्वाचनलाई सफल पार्नका निम्ति उत्साहका साथ योगदान पुर्याउहुने सिंगो पार्टी पक्ति, सिंगो युवा जमात, आफन्तजन, सुरक्षाकर्मी, सचारकर्मी, निर्वाचनमा खटिनुहुने कर्मचारी, मतदाता एवम् आमावुवा, दाजुभाई, दिदीबहिनी प्रति हार्दिक धन्यवाद, आभार एवम् कृतज्ञता ब्यक्त गर्दछौं ।
उहाँले धन्यवाद ज्ञापन गर्दै भन्नुभएको छ, ‘नेकपा (एमाले) प्रति देखाउनु भएको यस प्रकारको सम्मान एवम् शुभेच्क्षाबाट हाम्रो पार्टी र संगठनलाई थप उर्जा, बल प्राप्त भएको छ । निर्वाचनका सन्दर्भमा गरिएका प्रतिवद्धता र जनचाहना अनुरुप नेपाली जनताकोे चाहना पुरा गर्ने कामका निम्ति जननिर्वाचन प्रतिनिधी, सिंगो पार्टी पक्ति, राजनैतिक दल र सरोकारवाला बीच सहकार्य गर्दै अगाडी बढ्ने कुरा जारी स्पष्ट छ’ ।
प्रदेश सभा सदस्य न्यौपानेले निर्वाचनबाट निर्वाचित एमाले वा अन्य दलका सम्पुर्णलाई हार्दिक बधाई तथा शुभकामना व्यक्त गर्दै लोकतान्त्रिक प्रणालीमा हार जित स्वभाविक रहेको भन्दै सुखी नेपाली, समृद्ध नेपालको सपना पुरा गर्न आफु लागिरहने प्रतिवद्धता व्यक्त गर्नुभयो ।
