लुदस, कपिलवस्तु
काठमाडौंमा जारी अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) को २४ औँ राष्ट्रिय महाधिवेशनले विद्यार्थी राजनीतिमा नयाँ ऊर्जा थपेको छ । लुम्बिनी प्रदेशबाट विष्णु घिमिरेले केन्द्रीय सदस्य पदमा दिएको उम्मेदवारीले महाधिवेशनमा विशेष ध्यान तानेको छ । घिमिरेको उम्मेदवारीसँगै लुम्बिनी प्रदेशका युवा विद्यार्थीहरूमा उत्साहको लहर छाएको छ ।
विगत एक दशकभन्दा बढी समयदेखि अनेरास्ववियुमा सक्रिय रहँदै आएका घिमिरे विद्यार्थी आन्दोलनमा संघर्षशील, नीतिगत स्पष्टता बोकेका र व्यवहारिक नेताका रूपमा स्थापित हुनुहुन्छ । उहाँले संगठनभित्र सादगी, कर्मठता र नेतृत्वदायी क्षमताको उदाहरणीय अभ्यास गर्दै आनुभएको छ ।
संगठनिक यात्रा
विष्णु घिमिरेले विद्यार्थी राजनीतिमा आफ्नो यात्रा क्याम्पस कमिटी सदस्यको रूपमा सुरु गरेका घिमिरे संगठनप्रतिको निष्ठा, निरन्तर सक्रियता र नेतृत्वदायी गुणका कारण उनले छिट्टै जिल्ला कमिटीमा स्थान बनाउनुभएको छ । क्याम्पस कमिटीबाट अनेरास्ववियुको राजनीतिक यात्रा सुरु गर्नुभएका घिमिरे जिल्ला अध्यक्ष हुंदै हाल प्रदेश कमिटी सचिवालय सदस्यको जिम्मेवारीमा हुनुहुन्छ । जिल्ला अध्यक्षको रूपमा छोटो समय जिम्मेवारी पाउनुभएका घिमिरेले छोटो समयमै संगठनलाई गतिशील बनाउँदै कपिलवस्तु जिल्लाका सबै क्याम्पस र पालिकाहरूमा अनेरास्ववियुको संरचना निर्माण गर्न सफल हुनुभएको थियो ।
उनको कार्यकालमा संगठनले जडसम्म पुगेर विद्यार्थीको सवाल उठाउंदै शैक्षिक सरोकारलाई संगठित ढंगले प्रस्तुत ग¥यो र व्यापक जनसंपर्क विस्तार गर्नमा उनको ठुलो हात रहेको छ । यही योगदानका कारण घिमिरे विद्यार्थी समुदायमा उनी लोकप्रिय बन्नुभएको छ ।
घिमिरेको उम्मेदवारीले लुम्बिनी प्रदेशभरि नयाँ उत्साह ल्याएको छ। गाउँदेखि शहरसम्मका विद्यार्थीले उनको नेतृत्वमा आशा देखेका छन् । सामाजिक सञ्जालदेखि भौतिक भेलासम्म उनको पक्षमा सकारात्मक माहोल बनिरहेको छ ।
विविध स्थानबाट काठमाडौं आएका प्रतिनिधिहरूले घिमिरेको उम्मेदवारीलाई संगठनभित्र तल्लो तहबाट शीर्ष तहसम्म नेतृत्व विकास गर्न सक्ने नमूना मानेका छन्। विद्यार्थी नेताहरूको मूल्यांकनमा उनी नीतिगत रूपमा प्रष्ट, संगठनप्रति समर्पित र व्यवहारिक नेताको रूपमा अगाडि छन् ।
