हरि आचार्य, कपिलवस्तु
कपिलवस्तुको बाणगंगा नगरपालिका १ बैरीयामा अवस्थित श्री बाल माध्यमिक विद्यालयको नतिजा प्रकाशन, पुरस्कार वितरण तथा अभिभावक भेला कार्यक्रम भव्यताका साथ सम्मपन्न भएको छ ।
सोमबार आज आयोजित उक्त कार्यक्रममा विद्यालयमा अध्ययनरत विद्यार्थीहरुको शैक्षिक तथा अतिरिक्त क्रियाकलापको नतिजा प्रकाशन तथा पुरस्कार वितरण गरिएको हो ।

सो अवसरमा लुम्बिनी प्रदेश सभा सदस्य तथा पुर्व स्वास्थ्य मन्त्री बिष्णु पन्थीले विद्यालयमा अध्ययनरत उतीर्ण विद्यार्थीहरुलाई बधाई तथा शुभकामना व्यक्त गर्नुभयो । उहाँले अहिले बनेको सरकारले गरेका निर्णयहरुप्रति आफू सजग भएर हप्तामा हुने २ दिन बिदालाई बालबालीकाले खेलेर मात्र समय नबिताउने र अभिभावकहरु पनि उनीहरुको पढाईप्रति चनाखो हुनुपर्ने उल्लेख गर्नुभयो ।

oplus_1048578

सो अवसरमा जनता माध्यमिक विद्यालय पिपराका प्रधानाध्यापक रमेश पन्थीले विद्यार्थीहरूको बर्षभरीको मेहनत र सफलताकोे दिन भएको उल्लेख गर्नुभयो । उहाँले जनता माध्यमिक विद्यालयको कहिकतै आवश्यक परेमा वाल माविलाई सधै सहयोग गर्ने प्रतिबद्धता जनाउनुभयो ।

त्यस्तै विद्यालयका प्रधानाध्यापक टिकाराम पौडेललेे बालबालिकाको समग्र विकासमा विद्यालयले महत्वपूर्ण भूमिका खेलेको बताउनुभयो । उहाँले बालबालिकाको उचित हेरचाहसँगै उनीहरूको क्षमता अभिवृद्धिमा आफूहरू अहोरात्र खटेको उल्लेख गर्नुभयो ।

विद्यार्थीको तर्फबबाट मन्तब्य राख्दै नाईसा अधिकारीले विद्यार्थीहरुको सर्वांगीण विकासका लागि वाल माविले अहम भुमिका खेलेको बताउनुभयो ।

oplus_1048578

कार्यक्रममा विद्यालयका पूर्व अध्यक्ष डोलख राम घिमिरे, वडा सदस्य टोपकला विसि, कपिलवस्तु उद्योग बाणिज्य संघका महासचिव नवदत्त घिमिरे लगायतको आतिथ्यता रहेको थियो । कार्यक्रममा स साना बालबालिकाको सांस्कृतिक प्रस्तुति र प्रतिभा प्रदर्शनले कार्यक्रमलाई थप आकर्षक बनाएको थियो भने शिक्षकद्धय सुर्य प्रसाद चुँदाली र मोहन घिमिरेले नतिजा सार्वजनिक गर्नुभएको थियो । कार्यक्रममा अभिभावक, शिक्षक, शिक्षिका, विद्यार्थी तथा विभिन्न संघ संस्थाका प्रतिनिधिहरुको उपस्थिति रहेको थियो ।