अर्घाखाची जिल्लाको संधीखर्क नगरपालिका वडा नं छ जगतमा जन्मिएको नाम हो सुब्बा रानाभाट । सानै अमेर देखि लोक गीत सुन्न र गाउन रुचाउने विशेष गरी उनी राजु परियार र विमा कुमारी दुराको आवाजमा रहेका गीत धेरै सुन्न रुचाउने उनी लोक संगीतलाई नजिकबाट नियालेको बताउछन ।
२०७५ सालबाट औपचारिक रुपमा लोक संगीतमा प्रवेश गरेका उनले हालसम्म दुईतिन ओटा गीतमा शब्द,६ ओटा गीतमा लोक गीतमा आवाज ,पाच ओटा गीतमा अभिनय गरीसकेका छन ।
उनले सानो छदा नै विमा कुमारी दुरासँग गीत गाउने इच्छा राखेका थिए । रेडियो सुन्दा पनि गीत कसरी बज्छन होला ,गीत कसरी गाउछन होला म पनि यसरी गीत गाउने हुन पाए भन्ने खालका कौतुहलताहरु मनमा आउने रानाभाट बताउछन । सञ्चार माध्यमबाट झण्डै दुइ दर्जन पुरस्कारकाट पनि परस्कृत भइसकेका छन । विमा कुमारी दुरासँग गाउने सानैदेखिको चाहाना पुरा पनि गरिसकेका छन । यसका साथै राष्ट्रिय लोक दोहोरी प्रतिष्ठानको सदस्य आजिवन सदस्य पनि बनिसकेका छन ।
स्नाकोत्तर तह सम्म अभ्ययन गरेका रानाभाट हाल भने बुटवल गोलपार्कमा बसेर जागीर सँगसँगै सांगीतिक क्षेत्रलाइ अगाडि बढाइरहेको उनी बताउछन । पछिल्लो समयमा भने आफ्नो ब्यक्तीगत कामले गर्दा सांगीतिक क्षेत्रलाई समय दिन नसकेको उनी बताउछन ।
कलाकार सुब्बा रानाभाटसँग लुम्बिनी दर्पण अनलाइनमा गरिएको कुराकानी ।
तपाइलाइ कार्यक्रममा स्वागत छ ?
धन्यबाद , तपाइलाइ पनि र लुम्बिनी दर्पण अनलाइन परिवारलाइ पनि ।
तपाइको बुझाइमा लोक गीत संगीत के हो ?
लोक गीत संगीत भनेको ठ्याक्कै यो हो भन्ने परिभाषा त थाहा छैन तर मेरो बुझाइमा पानी पधेरो ,लेक बेसी ,दाउरा घास गर्दा गाइने गीत नै लोक गीत हो जसलाइ मादल बासुरी जस्ता लोक बाजाको तालमा पनि गाउन सकिन्छ ।
तपाइ लोक संगीतमा कसरी जोडिनुभयो ?औपचारिक रुपमा कहिलेबाट सांगीतिक यात्रा सुरुवात गर्नुभयो ?
मौलिक लोक गीतले हाम्रो एउटा पहिचान हो । लोक गीतले हाम्रो समाजको वास्तविकतालाई चित्रण गर्ने गर्दछ ।त्यसैले मलाइ पनि लोक संगीतमा जोडिन मन लाग्यो र म सांगितिक क्षेत्रमा आफ्नै इच्छाले जोडिए । गाउघरमा छदा धेरै गीत गाउने गर्थे,त्यो वन जंगल ,विभिन्न मिडियामा पनि गीत गाए, तर औपचारिक रुपमा २०७५ सालबाट अकाल गीतबाट लोक संगीतमा प्रवेश गरे ।

परिवारमा को को हुनुन्छ ?, तपाइलाइ सांगीतिक क्षेत्रमा लाग्नका लागि परिवारको सहयोग कस्तो छ ?
घरमा बुवा ,आमा अनि म छौँ । दिदी बहिनी पनि हुनुहुन्थ्यो तर विवाह भैसक्यो । मेरो पनि वैशाखमा विवाह गर्ने सोच छ । सांगीतिक क्षेत्रमा लाग्नका लागि मलाई परिवारबाट पुरा सहयोग छ । यदि परिवारको सहयोग नभएको भए म सांगीतिक क्षेत्रमा लाग्ने थिएन होला ।

लोक संगीतमा त्यस्तो के देख्नुभो र यो क्षेत्रमा लाग्नुभो ?
लोक संगीतमा त्यस्तो केही देखेर भन्दा पनि मेरो ब्यक्तीगत इच्छाले गर्दा हो । हाम्रो वास्तविकता बोल्ने लोक गीत संगीतमा लागेर म पनि केही गर्छु भनेर लागेको हो ।
हालसम्म तपाइको आवाज ,अभिनय ,र लय शब्दमा बजारमा आएका गीत कति छन र ति कुन कुन हुन ?
त्यत्ति धेरै त छैनन,पाच वटा गीतमा स्वर ,चार वटा गीतमा अभिनय र दुइ ओटा गीतमा शब्द लेखेको छु । अकाल , आमा , वैश जोपान ,पातिले बारेको घर ,बरिलै ,प्रदेशी दाइ आदि ।

अब कसरी लाग्छु भन्ने योजना छ त यो क्षेत्रमा ? नया गीत बजारमा ल्याउने तयारी कस्तो छ ?
सुब्बा त्यही हो प्रत्यक्ष अप्रत्यक्ष रुपमा भएपनि यही समंगीतिक क्षेत्रमा नै हुन्छु होला । अहिले मेरो ब्यक्तीगत कामले गर्दा गीत संगीतलाई समय दिन पाएको छैन । अब छिट्टै गीत बजारमा ल्याउनका लागि साथीहरुसँग छलफल हुदैछ ।

अन्त्यमा केही भन्नुहुन्छ ?
जहा, जे भएपनि लोक संगीतिबाट टाढा हुन सक्दिन होला । दर्शक स्रोताले राम्रा मौलिक गीतलाई माया गरिदिनुहाला । कहिलेकाही लोक संगीतमा विकृति आउदा मन रुन्छ । त्यस्लाई पनि ख्याल गर्दिनुहोला र राष्ट्रिय लोक दोहोरी प्रतिष्ठानको सदस्य एवंम आजिवन सदस्य पनि भएकोले सेन्सर बोर्डको पनि स्थापना होस भन्न चाहन्छु ।
आफ्नो ब्यस्त समय हाम्रो लागि दिनुभयो तपाइलाई धेरै धन्यवाद
मलाइ पनि आफु र सांगीतिक क्षेत्रसँग सम्बन्धित रहेर कुरा गर्ने अवसर प्रदान गर्नुभयो लुम्बिनी दर्पण अनलाइन परिवारलाइ पनि धेरै धन्यवाद ।