लकडाउनको अवस्थामा वडा नंं.८ को उदाहरणिय काम, अति गरिवलाई घरघरमा खाद्यान्न वितरण गर्ने

ByLumbini Darpan Online

१४ चैत्र २०७६, शुक्रबार १४:३४ १४ चैत्र २०७६, शुक्रबार १४:३४ १४ चैत्र २०७६, शुक्रबार १४:३४

हरि आचार्य कपिलवस्तु, चैत्र १४

कोराना भार्ईरस (कोभिड १९) को संक्रमण विश्व महामारीको रुपमा फैलिरहेको अवस्थामा सरकारले लकडाउन घोषणा गरे संगै कपिलवस्तुको वाणगंगा नगरपालिका वडा नंं.८ ले नगरपालिकामै पहिलो पटक नयाँ उदाहरणिय कामको सुरु गरेको छ । लकडाउनको अवस्थामा वडाले विभिन्न संघ संस्था तथा व्यक्तिहरुबाट सहयोग लिई गरिव तथा विपन्न वर्गहरुको घाउमा मलम लगाएको छ । वडा नम्बर ८ भित्र रहेका अति विपन्न, दैनिक ज्यालादारी मजदुरहरुलाई लकडाउन अवधिमा अति समस्या परेर छाक टार्न नै गाह्रो भएका परिवारहरुलाई वडाले खाद्यान्नको व्यवस्था गरि यो बिषम परिस्थितीमा कसैलाई पनि भोको नराख्ने वडाअध्यक्ष गुणानिधि भुसालले बताएका छन् । वडाअध्यक्ष त्यस्ता परिवारले आफ्नो टोल विकास संस्थाका अध्यक्ष लाई जानकारि गराउन र टोल विकास संस्थाको सिरफारिसमा वडाले सहयोग गर्ने प्रतिवद्धता जनाए । साथै विभिन्न व्यक्तिहरुबाट अहिले सम्म करिव ५० हजार सहयोग जम्मा भईसकेको भन्दै त्यो रकम सहि ठाउँमा प्रयोग गरिने बताए ।

वडाले विभिन्न देशहरुमा वैदेशिक रोजगारीमा गएर फर्किएका व्यक्तिहरुलाई क्वारेन्टाईनमा राख्नका लागि विवरण संकलन गर्ने कार्य गरिरहेको छ । अहिले सम्म भारतबाट आएका २१ जना र अन्य देशका ५ गरि २६ जना व्यक्तिलाई सेल्फ क्वारेन्टाईनमा बस्न आदेश दिएको र आवश्यक परेको अवस्थामा क्वारेन्टाईन पनि निर्माण गरिने वडाकार्यालयले जनाएको छ ।

साथै वडाले कोरोना विरुद्ध सचेतनाका कार्यक्रमलाई पनि तिब्रता दिएको छ ।

त्यस्तै लकडाउनका कारण अत्यावश्यक दैनिक उपभोग्य वस्तुको अभाव हुन नदिन स्थानीय स्तरमा घुम्ती सेवा संचालन गरिएको छ । कृषि बहुउद्देश्यीय सहकारी संस्थाले वाणगंगा नगरपालिका वडा नं. ८ का वडावासीलाई अत्यावश्यक दैनिक उपभोग्य बस्तुको घुम्ती सेवा शुरु गरेको हो । सरकारले गरेको लकडाउनका कारण वडावासीलाई दैनिक उपभोग्य बस्तुको अभाव नहोस भन्ने उद्देश्यले घरदैलोमै घुम्ति सेवा संचालन गरिएको वडाध्यक्ष गुणनिधी भुसालले जानकारी दिए ।

कृषि बहुउद्देश्यीय सहकारी संस्थाद्धारा संचालित सहकारी पसलले चामल, दाल, चिनी, नुन, तेल, तरकारी, आलु लगाएतका अत्यावश्य उपभोग्य बस्तुको ढुवानी गरी सुलभ मुल्यमा विक्री वितरण गरेको छ ।
लकडाउनको समय सिमा लम्बिने संकेत भइरहेका बेला बजारमा दैनिक खाद्यबस्तुको कृतिम अभाव देखाई कालोबजारी हुनसक्ने भन्दै वडाको समन्वयमा सहकारी पसलले सहज रुपमा उपभोग्य बस्तुको विक्री वितरण गर्दै आएको छ । वडा अध्यक्ष गुणनीधि भुसालले वडाबाट ढुवानी खर्च व्यहोर्ने र सहकारी पसलले प्रचलित बजार मुल्यमा विक्री वितरण गर्दा सहकारीमा आवद्ध सदस्य र वडावासी थप सुविधा पाएको बताए । वाणगंगा नगरपालिकाको वडा नं. ८ का ८ वटा टोलहरुमा प्रत्येक दिन एकपटक दैनिक उपभोग्य बस्तुको विक्री वितरण हुदै आएको छ ।

Facebook Comments Box

Leave a Reply

Your email address will not be published. Required fields are marked *