१ सय ४ वर्षे महिलाले घरमै बसेर जितिन् कोरोना

ByLumbini Darpan Online

२९ असार २०७७, सोमबार ०३:४२ २९ असार २०७७, सोमबार ०३:४२ २९ असार २०७७, सोमबार ०३:४२

लुदअ ९ असार, काठमाडौं
इङ्गल्याण्डको केन्टमा बसोबास गर्ने १०४ वर्षे महिलाले घरमै बसेर कोरोनालाई जितेकी छन् ।

ग्रेस ग्रिनउड नाम भएकी ती महिला विगत तीन सातादेखि ओछ्यानबाट उठ्न सक्दैनथिन् । उनलाई सास फेर्न पनि गाह्रो भएको थियो । तर उनलाई कोरोना संक्रमणको उपचार गर्न अस्पताल जानु परेन । अहिले उनी पूर्णरुपमा ठीक भएकी छन् ।

उनका परिवारका सदस्यहरुका अनुसार उनले जीवनमा धेरै कष्ट व्यहोरेकी छन् । आफ्नो जीवनको अधिकतम समय उनले बिरामीहरुको सेवामा बिताएकी छन् । त्यसैले पनि उनमा चुनौतीहरुको सामना गर्ने हिम्मत छ ।

ग्रेसको जन्म म्यानमार ९बर्मा०मा भएको थियो । उनले भारतमा नर्सको रुपमा केही समय काम गरेकी थिइन् । त्यसपछि लामो समुद्री यात्रा तय गर्दै उनी सन् १९४६ मा इङ्गल्याण्ड गइन् ।

लण्डनमा मेकअप आर्टिस्टको रुपमा काम गर्ने उनकी नातिनी क्रिस्टल अपोलोनिया भन्छिन्, ‘केही हप्ता अगाडि उहाँ बिरामी हुनुभयो । डाक्टरहरुले उहाँको स्वास्थ्य अवस्थाबारे जानकारी दिँदा हामी डराएका थियौं किनभने हामी जहाँ बसिरहेका छौं, त्यहाँ धेरै व्यक्तिको मृत्यु कोरोना संक्रमणबाट भएको छ ।’

Facebook Comments Box

Leave a Reply

Your email address will not be published. Required fields are marked *