केन्द्रीय समिति बैठक बोलाउनुपर्ने प्रचण्ड– माधव समूहको निष्कर्ष

लुदअ काठमाण्डौ, साउन १
प्रधानमन्त्री केपी शर्मा ओलीसँगको छलफल विना निष्कर्ष सकिएपछि सत्तारुढ नेपाल कम्युनिस्ट पार्टी (नेकपा) मा प्रचण्ड– माधव समूहले अब तत्काल केन्द्रीय समितिको बैठक बोलाउनुपर्ने निष्कर्ष निकालेको छ ।

पार्टीमा पछिल्लो समय देखिएको विवादका विषयमा बिहीबार बालुवाटारमा प्रधानमन्त्री ओली, कार्यकारी अध्यक्ष पुष्पकमल दाहाल प्रचण्ड र वरिष्ठ नेता माधवकुमार नेपालबीच छलफल भएको थियो । छलफल विना निष्कर्ष सकिएपछि प्रचण्ड–माधव समूहका सचिवालय सदस्य एवं स्थायी कमिटी सदस्यहरु खुमलटारमा भेला भएका थिए ।

बालुवाटारबाट प्रचण्ड र नेपाल फर्किएपछि सचिवालय सदस्यहरु झलनाथ खनाल, बामदेव गौतम, नारायणकाजी श्रेष्ठ र रामबहादुर थापा बादल लगायत खुमलटार पुगेका थिए । भेलामा सहभागी एक नेताले भने ‘तीन नेताबीच सहमति जुटेन, अब तत्काल केन्द्रीय समितिको बैठक बोलाउने निष्कर्षमा पुगेका छौं ।’

उनका अनुसार भोलि बस्ने स्थायी कमिटी बैठकले केन्द्रीय समिति बैठकको मिति तोक्नसक्छ ।

बालुवाटार बैठकमा प्रचण्ड र माधव नेपालले ओलीलाई प्रधानमन्त्रीबाट राजीनामा दिन आग्रह गरेको एक नेताले बताए । तर ओलीले अस्वीकार गरेका थिए ।

प्रचण्ड र नेपालसँग सहमति हुन नसकेपछि प्रधानमन्त्री केपी शर्मा ओलीले पनि आफू निकटका नेताहरुसँग परामर्श थालेका छन् ।

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *