हरि आचार्य कपिलवस्तु, चैत २०
विश्व महामारीको रुपमा फैलिएको कोरोना भाईरस (कोभिड १९) का कारण सरकारले लकडाउन घोषणा गरेको समयमा कपिलवस्तुको वाणगंगामा मा आत्महत्या गर्नेको संख्या बढिरहेको छ । बाहिर आत्महत्या गरेका घट्नाहरु बाहिर आएपनि हिरासतमै कैदीले आत्महत्या गरेको कमै मात्रामा सुनिन्थ्यो । तर कपिलवस्तुको ईलाका प्रहरी कार्यालय पिपराको हिरासत कक्षमा एक जनाले आत्महत्या गरेका छन् । छोरीलाई बलात्कार गरेको आरोपमा वाणगंगा नगरपालिका वडा नं ८ ढोडेकोलका अभियुक्तले आत्महत्या गरेका हुन् । छोरी बलात्कारको आरोप लागेपछि ती व्यक्तिलाई गत फाल्गुण २३ गते प्रहरीले नियन्त्रणमा लिएर अनुसन्धान चलाएको थियो । आरोपित ती पुरुषलाई इलाका प्रहरी कार्यालय पिपराले जिल्ला अदालतबाट म्याद थप गर्दै अनुसन्धान गरेको बताईरहेको बेला आत्महत्या गरेको घट्ना घटेका गोप्य स्रोतले बताएको छ ।
घट्ना यसरी भयो
वुधवार राती प्रहरी कार्यालयको अटैच वाथरुम सहितको सौचालयको भेन्टीलेटरमा तत्ना प्रयोग गरेर आत्म हत्या गरेका हुन् । कोरना भाईरसको सन्त्रासका विच प्रहरी डिउटीमा खटीएका वखत अभियुक्तले आत्महत्या गरेको प्रहरी निरिक्षक आयुष प्रसाद जोसिले जानकारी दिएका छन् । प्रहरी हिरासतमा रहेका वन्दीहरु रातीको समयमा प्रहरी कार्यालय भित्रकै शौचालय प्रयोग गर्ने र डिउटी गर्ने प्रहरी प्राय वाहिरी भागमा रहने भएकोले उक्त घटना विहान मात्र सार्वजनिक भएको हो । अर्का एक जना थुनुवा शौचालय जान खोज्दा ढोका नखुलेको भन्दै थुनुवाले प्रहरीलाई जानकारी गराएपछि घटना वाहिर आएको हो ।
अनुसन्धान हुंदै
ईलाकामा घटना भएकोले सो घटनाको चेकजाँच र अनुसन्धान गर्न जिल्ला प्रहरी कार्यालय तौलीहवावाट प्रहरी नायव उपरिक्षक सुनिल मल्लको नेतृत्वमा टोली आईपुगेको छ । अनुसन्धान भईरहेको जिल्ला प्रहरी कपिलवस्तुले जनाएको छ ।
