हरि आचार्य कपिलवस्तु, मंसिर २२
कपिलवस्तुको बाणगंगामा मंसिर २४ र २५ गते जिल्लामै पहिलो पटक खुला पुरुष डबल राष्ट्रिय ब्याडमिन्टन प्रतियोगिता हुने भएको छ । प्रतियोगितको तयारी करिव पुरा भएको बाणगंगा नगरपालिका वडा नं. ४ को कार्यालयमा पत्रकार सम्मेलन मार्फत जानकारी गराईएको हो । बाणगंगा नगरपालिका वडा नं. ४ वडा कार्यालयको आयोजना तथा शान्ति दिप युवा क्लवको संयोजनमा मंसिर २४ र २५ गते खुला राष्ट्रिय ब्याडमिन्टन प्रतियोगिता हुन लागेको हो ।
प्रतियोगितामा प्रथम हुनेले रु ६६ हजार, द्धित्तिय हुनेले ३३ हजार र तृतिय हुनेले रु १६ हजार पाउने क्लवका अध्यक्ष तथा प्रतियोताका संयोजक शुसिल सिहं ठकुरीले बताए । प्रतियोगिता बुद्ध रगंशालाको कर्बड हलमा हुने उनले बताए । साथै प्रतियोगितामा कपिलवस्तु र रुपन्देही भन्दाका बाहिरका खेलाडीलाई एक दिनका लागी खान बस्न समेत ब्यवस्था गरिएको छ ।
पत्रकार सम्मेलनका अध्यक्ष समेत रहेका वडा अध्यक्ष गणेश बहादुर क्षेत्रीले करिव ७ लाखको लागतमा उक्त प्रतियोगिता सञ्चालन गर्न लागिएको बताए । उनले प्रतियोगिता अवलोकन गर्नका लागि सम्पुर्ण खेलप्रेमी महानुभावहरुलाई आग्रह गरेका छन् । अध्यक्ष क्षेत्रीले लागु औषध दुब्र्यसन रहित स्वस्थ र सम्मुनत समाज निमार्णको लागी खेलकुद भन्ने उद्देश्यले सञ्चालन गर्न लागिएको प्रतियोगिताले कपिलवस्तु जिल्लालाई पनि चिनाउने विश्वास व्यक्त गरे ।
पत्रकार सम्मेलनमा बोल्दै जिल्ला खेलकुद विकास समितका पूर्व अध्यक्ष छवी रेश्मीले मुलुकभरमै वडाको आयोजनामा हुन लागेको यो पहिलो राष्टिय प्रतियोगिता भएको दावी गरे । कोरोनाको यस विषम स्थितिमा देशभर ब्याडमिन्टनको क्रेज बढेका कारण खेल्ने खेलाडीलाई थप सिक्ने र सिकाउने वातावरण प्रदान गर्ने उद्देश्यले सो कार्यक्रम आयोजना गरिएको बताए
।
सो ब्याडमिन्टन प्रतियोगितामा काठमाडौं, हेटौडा तथा धनगडीका चर्चित राष्ट्रिय खेलाडीले समेत भाग लिने आयोजकले जनाएको छ ।
वडाध्यक्ष क्षेत्रीको अध्यक्षता, वडा सदस्यहरु, जिल्ला खेलकुद विकास समितिका निवर्तमान अध्यक्ष छवि रेस्मी मगर, अखिल फुटबल संघका जिल्ला अध्यक्ष तिलक थापा लगायतको आतिथ्यता, जिल्लाका क्रियाशिल सञ्चारकर्मीहरुको उपस्थिती रहेको थियो भने युवा समाजसेवी चन्द्रकान्त पोख्रेलको सञ्चालनमा पत्रकार सम्मेलन सम्पन्न भएको हो ।
