लुदअ बैशाख १२, दाङ
दाङमा जरायोको सुकुटी खान फेसबुकमार्फत निम्ता दिने एक व्यक्तिलाई जिल्ला वन कार्यालयले पक्राउ गरेको छ। गढवा गाउँपालिका( ६ निवासी ३५ वर्षीय शिवराज पुनलाई डिभिजन वन कार्यालयल देउखुरीले शुक्रवार पक्राउ गरेको हो। पुनले बिहीबार फेसबुकमा ‘लकडाउनको सदुपयोग गरौँ, मेरो घरमा जरायोको सुकुटी खान आउनुस् स्वागत छ’ भनेर स्ट्याटस लेखेका थिए।

फेसबुक स्ट्याटसको बारेमा डिभिजन वन कार्यालय देउखुरीमा सूचना पुगेपछि पुनलाई पक्राउ गरेर अनुसन्धान थालिएको डिभिजन वन प्रमुख प्रविण बिडारीले जानकारी दिए। राष्ट्रीय निकुञ्ज तथा वन्यजन्तु संरक्षण ऐनअनुसार कानुनी कारबाहीको प्रकृया अघि बढाइएको उनले बताए।