साउन २ ,बुटवल

भैरहवा भन्सार कार्यालयले लक्ष्य भन्दा बढी राजश्व संकलन गरेको छ । भन्सार कार्यालयले आर्थिक वर्ष २०७७÷ ०७८का लागि ९९ अर्व ६५ करोड ७६ लाख राजस्व असुली लक्ष्य पाएकोमा लक्ष्यको करिब १३ प्रतिशत बढी राजश्व संकलन गरेको हो ।
बन्दाबन्दी र निषेधाज्ञाले अन्य साना नाका बन्द भएकोले र पछिल्लो समय आर्थिक क्रियाकलाप वृद्धि भएको कारण लक्ष्य भन्दा बढी राजस्व असुल गर्न सफल भएको भैरहवा भन्सार कार्यालयका प्रमुख भन्सार अधिकृत मनिराम पौडेलले बताए ।उनले यस वर्ष १ खर्व १२ अर्ब ५४ करोड २५ लाख राजस्व संकलन गरेको बताए ।
अघिल्लो आर्थिक वर्षमा भन्सार विभागको लक्ष्यमा भैरहवा भन्सार कार्यालयबाट मात्रै २२ दशमलव ५६ प्रतिशत योगदान छ । कोभिडको प्रभाव परेर अन्य क्षेत्र बन्द भए पनि भैरहवा भन्सार कार्यालय बन्द नहँुदा पनि यसले राजस्व असुली वृद्धिमा प्रभाव पारेको हो । चालु आर्थिक बर्षमा सबै भन्दा बढी राजस्व भैरहवा भन्सार कार्यालयले मोटरसाईकलबाट असुल गरेको छ ।