बुटवल ,भदौ १३
अबिरल आएको वर्षाका कारण पहिरोले रुपन्देहीको बुटवल उपमहानगरपालिका ३ ज्योतिनगरमा पहिरो खसेको छ ।लगातार भएको वर्षाका कारण ज्योतिनगरदेखि माथिबाट लेदो सहितको पहिरो खस्दा त्यस आसपासका दर्जन बढी घरहरु जोखिममा परेको हुन ।
बिहान सम्ममा स्थानीयको ३ घरमा पहिरो पसेको छ । बिहान उज्यालो भइसकेपछि पहिरो खसेका कारण मानवीय क्षति नभएको प्रहरीले जनाएको छ । पहिरो गएपछि स्थानीयले क्षति पुगेका घरका सरसामान सार्ने काम गरिरहेका छन् भने भैसी सारिसकेका छन् । त्यसैगरी पहिरोले क्षति पुग्नसक्ने घरबाट समेत सामान अन्यत्र सार्ने तयारी गरिरहेका छन् । जोखिममा परेका घरपरिवारलाई बुटवल स्थित बुटवल बहुमुखी क्याम्पसमा सार्ने तयारी भएको इलाका प्रहरी कार्यालय बुटवलका प्रखुख डीएसपी मनोज कुँवरले जानकारी दिए ।
प्रकाशित : २०७८ भाद्र १३, आईतवार १०:३३
