लुदअ कपिलवस्तु, भदौ २९
नेकपा एमालेका नेता प्रदिप ज्ञवालीले फेरी पनि शानदार तरिकाले सरकारमा जाने बताउनुभएको छ । ज्ञवालीले एमालेमा तल्कालका लागी केही चुनौतिहरु देखिएको र यो क्षणिक भएको बताउँदै फेरी सरकारमा जाने बताउनुभयो । नेकपा एमाले जिल्ला कमिटि कपिलवस्तुले आयोजना गरेको अगुवा कार्यकर्ता भेलालाई सम्बोधन गर्दै नेता ज्ञवालीले यस्तो बताउनुभएको हो । नेता ज्ञवालीले जनादेशबाट एमाले सरकारबाट बाहिरिनु नपरेकाले कसैले पनि चिन्ता नलिई उच्च आत्मविश्वासका साथ अघि बढ्न आग्रह गर्नुभयो । सर्वोच्चको आदेशबाट परमादेश सरकार बन्दा केही तत्काल राजनितिक संकटहरु आईपरेको बताउनुभयो । कार्यक्रमका प्रमुख अतिथि समेत रहनुभएका नेता ज्ञवालीले जनतामा एमालेप्रतिको विश्वास बढ्दै गएको र अहिले गठबन्धन एमालेको विरुद्धमा लागेको बताउनुभयो । चितवनमा प्रचण्डले आफ्नो छोरीलाई मतपत्र च्यातेर जिताएको भन्दै नेता ज्ञवालीले अब त्यसो नहुने र चुनाव जित्न जनताको मत चाहिने बताउनुभयो । यस्तै उहाँले एमसीसी प्रधानमन्त्री शेर बहादुर देउवा नेतृत्व सरकारको पालामा सहमति भएको र सरकारले गरेको काम भएकाले मात्र आफूहरुले अगाडि बढाएको उनले दाबी गर्नुभयो । एमसीसी पास गर्ने सरकारको दायित्व रहेको भन्दै सम्झौता राम्रो लाग्छ भने बहुमतले पारित गरेर देखाउन आग्रह समेत गर्नुभयो । उहाँले आगामी निर्वाचनका जित्नका लागि कार्यकर्तालाई उत्कृष्ट काम गर्न निर्देशन समेत दिएका थिए । उहाँले एमालेमाथि देखिएको घेराबन्दी अस्थायी प्रकृतिको रहेको जिकिर गर्नुभयो ।

कार्यक्रमममा एमाले केन्द्रीय सदस्य तथा लुम्बिनी प्रदेश सह इन्चार्ज गिरीधारीलाल न्यौपानेले पार्टी फुटेपनि स्थानीय स्तरको कार्यकर्ताले एमाले रोजेको टिप्पणी गरे । सोहि कार्यक्रममा बोल्दै एमाले केन्द्रीय सदस्य एवं सांसद बिमला घिमिरेले कपिलवस्तुमा फुटको कुनै असर नरहेको र पार्टीमा कुनै पनि प्रकारको गुटबन्दी नदेखिएकाले अबको स्थानिय चुनाबमा पार्टीले धैरै स्थानमा विजय हासिल गर्ने औल्याउनु भयो ।

प्रदेश कमिटि सचिवालय सदस्य वलराम अधिकारीले एमाले नेकपाको बिरासतको रुपमा रहेकाले जनयुद्धदेखि जनआन्दोलनबाट प्राप्त परिवर्तनको भावी नेतृत्व एमालेले मात्र गर्न सक्ने बताउनु भयो । प्रदेश सांसद विष्ण पन्थिले पार्टीमा केहि नेताहरुले छाडेर गए पनि उहाँहरु नै पछुतोमा पर्ने बताउदै तल्लो तहका कार्यकर्तामा आधारित एमाले पार्टीले जनमत आफ्नो पक्षमा कायमै राख्ने दाबी गर्नु भयो ।

कार्यक्रमको अध्यक्षता गर्नु भएका पार्टी अध्यक्ष झविलाल पोख्रेलले बोल्दै एमसिसीका बिषयमा नेपाली जनता सशंकित रहेकाले एमालले जनमतको भावना वुझेर कदम चाल्ने स्पष्ट पार्नु भयो ।