तिलोत्तमा ,अशोज २१

रुपन्देहीको तिलोत्तमा ११ शिवपुरमा श्रीमद देवी भागवत दुर्गा पुजा आजदेखि सुरु भएको छ । देवघाटधाम संरक्षण प्रतिष्ठान चितवन एवम शिवपुर कुवंरवर्ती मन्दिर व्यवस्थापन समितीद्धारा आयोजित नवरात्रभरी सात दिनसम्म सञ्चालन हुने कार्यक्रमको आज समुट्घाटन भएको हो । पुजाको आज पहिलो दिन यहाका  स्थानीय समाजसेवी, बुद्धिजिवी ,आमा समुह लगाएत सम्पुर्ण स्थानीय वासिन्दा बाजागाजा सहित शिवपुर माध्यमिक विद्यालयदेखि चिन्तामणि चोक पुगेर पुन स्कुलको प्रांगण सम्म फर्किएर कलशयात्रा सम्पन्न गरिएको छ । दुर्गा पुजाबाट उठेको आर्थिक सहयोगले देवघाठ धाममा ३० फुटे अग्लो अष्ठ धातुयुक्त शिवमुर्ती निर्माण गरिने र शिवपुर कुंरवर्ती मन्दिरको पुनस्थापना गरिने बताइएको छ
।

समुद्घाटन कार्यक्रममा बोल्दै तिलोत्तमा नगरपालिकाका नगर प्रमुख वासुदेव घिमिरेले यो क्षेत्रमा यो धार्मिक कार्यक्रम गर्नु एकदमै राम्रो काम भएको भन्दै मन्दिरको विकासका लागि तिलोत्तमा नगरपालिकाले आर्थिक सहयोग गर्ने
बताउनुभयो । दुर्गा पुजाले आमा,दिदी बहिनीहरुको सम्मानमा अझ बढी बढाउने कुरामा जोड दिनुभयो ।

तिलोत्तमा नगरपालिकाका नगर प्रमुख वासुदेव घिमिरेको प्रमुख आतिथ्यता , तिलोत्तमा नगरपालिकाकी उपप्रमुख जागेश्वरी देवी चौधरी ,देवघाट प्रतिष्ठान संरक्षण समिती महासचिव मदनराज मिश्रको विशिष्ट आतिथ्यता , शिवपुर कुवंरवर्ती मन्दिर व्यवस्थापन समितीका अध्यक्ष खेम बहादुर थापाको अध्यक्षता तथा राजेन्द्र केसी सञ्चालनमा कार्यक्रम सम्पन्न भएको हो ।

सात दिनसम्म चल्ने सप्ताहमा प्रमुख कथा वाचकको रुपमा आर्चाय सर्वेश्वर शरण सुवेदी र सह -वाचकको रुपमा मधुसुधन सत्याल रहनुहुनेछ । श्रीमद देवी भागवत दुर्गा पुजा असोज सहिनाको २१ गतेदेखी २८ गतेसम्म  सञ्चालन हुने बताइएको छ ।