लुदअ पुस २, काठमाण्डौ
नेपाली कांग्रेसको सहमहामन्त्री पदको मतगणना सकिएसँगै १३ सदस्यीय पदाधिकारी चयन भएको छ । आज शुक्रवार पाँच जना सहमहामन्त्रीको नतिजा आएसँगै १३ सदस्यीय पदाधिकारी चयन भएको हो ।
सभापति पदमा दोहोरिनुभएका शेरबहादुर देउवाले आफूले सोचेजस्तो समूह नबने पनि पदाधिकारीमा बहुमत भने पुगेको छ । उपसभापति पूर्णबहादुर खड्का, सहमहामन्त्रीहरू भीष्मराज आङ्देम्बे, महालक्ष्मी उपाध्याय, उमाकान्त चौधरी, किशोरसिंह राठौर, फरमुल्लाह मन्सुर र महेन्द यादव देउवा समूहबाट निर्वाचित हुनुभएको हो ।
यस्तै डा। शेखर कोइराला समूहबाट उपाध्यक्ष धनराज गुरुङ र महामन्त्री गगनकुमार थापासहित सहमहामन्त्रीहरू बद्री पाण्डे, जीवन परियार निर्वाचित हुनुभएको छ । विश्वप्रकाश शर्मा प्रकाशमान सिंह समूहबाट चुनावी प्रतिस्पर्धामा आएर महामन्त्रीमा विजयी हुनुभएको छ । सिंहले दोस्रो चरणमा देउवालाई समर्थन गरेपछि देउवा समूहले शर्मालाई पनि आफ्नै समूहको दाबी गरेको छ ।
कांग्रेस पदाधिकारीमा महिलाको प्रतिनिधित्व भने महिला ुक्लस्टरु बाटमात्र बनेको छ । आज भएको सहमहामन्त्री पदको मतगणनामा मधेशीतर्फ महेन्द्र यादव, थारुतर्फ उमाकान्त चौधरी, पिछडिएको क्षेत्रतर्फ बद्री पाण्डे, खसआर्यतर्फ किशोरसिंह राठौर र मुस्लिमतर्फ फरमुल्लाह मन्सुर विजयी हुनुभएको छ । मधेशीतर्फ महेन्द्र यादवले दुई हजार २६ र उहाँका नजिकका प्रतिद्वन्दी रामकृष्ण यादवले एक हजार आठ सय २० मत प्राप्त गर्नुभयो । थारुतर्फ उमाकान्त चौधरीले दुई हजार पाँच सय ४५ र तेजुलालले एक हजार सात सय ७२ मत प्राप्त गर्नुभएको कांग्रेस निर्वाचन समितिले जनाएको छ ।
यस्तै पिछडिएको क्षेत्रतर्फ बद्री पाण्डेले दुई हजार चार सय ११ र जीवनबहादुर शाहीले दुई हजार एक सय ३३ मत प्राप्त गर्नुभयो । मुस्लिमतर्फ फरमुल्लाह मन्सुरले दुई हजार सात सय ७६ र शेख वकीलले एक हजार आठ सय ७५ मत प्राप्त गर्नुभयो ।
यस्तै खसरआर्यतर्फ किशोरसिंह राठौरले दुई हजार पाँच सय ७६ र देवराज चालिसेले दुई हजार ५९ मत प्राप्त गर्नुभयो । यसअघि हिजो महिलातर्फ महालक्ष्मी उपाध्याय, दलिततर्फ जीवन परियार र आदिवासी जनजातितर्फ भीष्मराज आङ्देम्बे निर्वाचित भइसक्नुभएको छ ।
