लुदअ कपिलवस्तु, पुस १८
कपिलवस्तुको जिल्लाको बाणगंगा नगरपालिकामा लागु औषध सहि २ जना पक्राउ परेका छन् । ईलाका प्रहरी कार्यालय पिपराका प्रहरी निरिक्षक दिनेश गुरुङको कमाण्डमा खटिएको टोलिले बाणगंगा नगरपालिका वडा नं. ८ बाट २ जनालाई रंगेहात पक्राउ गर्न सफल भएको हो । गोप्य जानकारीको आधारमा शुक्रवार साँझ गरिएको अप्रेशनमा बालापुरबाट ती युुवकलाई नियन्त्रणमा लिएको प्रहरी निरिक्षक दिनेश गुरुङ्ले लुम्बिनी दर्पणलाई जानकारी दिएका छन् ।

पक्राउ पर्नेमा कपिलवस्तुको बाणगंगा नगरपालिका वडा नं.८ बाणगंगा पुल्चोकका ३० बर्षिय बिकास परियार र रुपन्देहीको सैनामैना नगरपालिका ४ मुर्गियाका ३१ बर्षिय सुरज थापा रहेका छन् । उनीहरु योगराज ज्ञवालीको कोठामा बसी लागु औषध कारोवार गर्ने गरेको खुलेको छ । उनीहरुबाट ४ ग्राम ब्राउन सुगर, २ थान तौल गर्ने डिजिटल मेसिन र ३४ हजार १ सय ५० रुपियाँ नगद समेत बरामद गरिएको छ ।

लागु औषध रहित समाज निर्माण गर्ने उद्देश्यले काम गरेको ईलाका प्रहरी कार्याल पिपराका प्रहरी निरिक्षक दिनेश गुरुङ्ले बताए । उनले पछिल्लो ३ महिनामा लागुऔषध प्रयोग तथा कारोवारमा संलग्न ३ सय २५ जनालाई नियन्त्रणमा लिई सम्झाई बुझाई गरि अभिभावकको जिम्मा लगाएको लुम्बिनी दर्पणलाई बताए ।

 

Facebook Comments Box

Leave a Reply

Your email address will not be published. Required fields are marked *