Latest Posts

सरकारमा सहभागी हुन माधव नेपाललाई आयो दबाब

लुदस ,काठमाडौँ, साउन १३ एमाले वरिष्ठ नेता माधवकुमार नेपाललाई उनी निकट सांसदले सरकारमा सहभागी हुन दबाब दिएका छन्...

टोकियो ओलम्पिकमा गौरिकाले तोडिन् आफ्नै रेकर्ड

लुदस ,काठमाडौं , साउन १३ जापानको टोकियोमा जारी ३२ औँ गृष्मकालीन ओलम्पिकमा नेपालकी पौडि खेलाडी गौरिका सिंहले राष्ट्रिय...

नगरकै नमुना सैनामैना नमुना माध्यमिक विद्यालयले बिज्ञान विषय सञ्चालन गर्ने

हरि आचार्य, रुपन्देही रुपन्देहीको सैनामैना नगरपालिकामा रहेको नगरपालिकाकै नमुना विद्यालय सैनामैना नमुना माध्यमिक विद्यालयले बिज्ञान विषय सञ्चालन गर्ने...

आज ३ हजार ८४० जनामा कोरोना संक्रमण, ३३ जनाको मृत्यु

  लुदस, काठमाडौ,साउन १३ पछिल्लो २४ घन्टामा ३ हजार ८ सय ४० जनामा कोरोना संक्रमण पुष्टि हुदा १...

आजको सेयर बजार

काठमाण्डौ ,साउन १३ सेयर बजार कारोबार मापक नेप्से आज उच्च विन्दुले उकालो लागेको छ । आज नेप्से परिसूचक...

Latest Posts

सरकारमा सहभागी हुन माधव नेपाललाई आयो दबाब

लुदस ,काठमाडौँ, साउन १३ एमाले वरिष्ठ नेता माधवकुमार नेपाललाई उनी निकट सांसदले सरकारमा सहभागी हुन दबाब दिएका छन् । नेपालसँग बुधबार भएको छलफलमा सांसदहरूले सरकारमा सहभागी हुनुपर्नेमा जोड दिएका हुन् । तर, नेपालले भने सांसदको कुरा सुने पनि कुनै...

केपि ओली भगौडा प्रधानमन्त्री : जसपा नेता श्रेष्ठ, प्रतिगमनकारी कदम खारेज गर्न माग

हरि आचार्य कपिलवस्तु, माघ ७
जनता सामाजवादी पार्टी (जसपा) का केन्द्रिय कार्यकारिणि सदस्य तथा सांसद राजेन्द्र श्रेष्ठले प्रधानमन्त्री ओलीले सनकको भरमा संसद भंग गरेको आरोप लगाएका छन् । जसपा कपिलवस्तुले आज चार नम्बरमा आयोजना गरेको जनप्रदर्शन तथा विरोध सभालाई सम्बोधन गर्दै कार्यक्रमका प्रमुख अतिथि समेत रहेका श्रेष्ठले प्रधानमन्त्री ओली भगौडा प्रधानमन्त्री रहेको बताएका हुन् ।

श्रेष्ठले प्रधानमन्त्री ओलीले कुनै समय संसद पाँच वर्षसम्म भंग हुन सक्दैन् भनेको स्मरण गर्दै अहिले किन आफै जनताको मत अपमान गरि संसद भंग गरेको भनि ओलीलाई प्रश्न गरे । श्रेष्ठले नेकपा ओली समूहका सुवास चन्द्र नेम्वाङलाई दुई जिबे्र तथा चमेरोको संज्ञा दिएका छन् । उनले तत्कालीन संविधान सभा प्रमुख सुवास चन्द्र नेम्वाङले समेत पाँच वर्षसम्म कसैले पनि संसद विघटन गर्न नसक्ने जिकीर गरेको स्मरण गरे । नेम्वाङले पहिले संसद विघटन गर्न पाईदैन भन्ने समयमा परिस्थिति अर्कै रहेको र अहिलेको परिस्थिति अर्कै रहेको भनेर दिएको अभिव्यक्तिको श्रेष्ठले चर्को आलोचना गरे । हिजो एउटा बोल्ने र अहिले एउटा बोल्ने नेम्वाङलाई लाज लाग्नु पर्ने भन्दै यसका विरुद्ध सबै एकजुट हुनुको विकल्प नरहेको बताए ।

कार्यक्रममा पुर्व मन्त्री तथा केन्द्रिय सदस्य दान बहादुर चौधरीले प्रधानमन्त्री ओलीको असंवैधानिक, अलोकतान्त्रिक प्रतिगमनका विरुद्ध जसपाले निरन्तर रुपमा विरोध गरिरहने बताए ।

त्यस्तै जसपाका केन्द्रिय सदस्य नारायण खनालले प्रधानमन्त्री ओली र राष्ट्रपति विद्या देवी भण्डारी गुटले देशलाई फेरि पनि युद्धमा धकेल्ने दुसाहस ग¥यो भने जनताले बन्दुक समाई आन्दोलनमा आउने भएकाले त्यो आन्दोलनलाई पनि दवाउने कुचेष्टा भयो भने यसको सामना जनता समाजवादी पार्टीले गर्ने बताए । केन्द्रिय सदस्य खनालले बर्तमान परिस्थितीमा भने सरकारको असंवैधानिक, अलोकतान्त्रिक प्रतिगमनका विरुद्ध जसपा शान्तिपुर्ण रुपमै विरोध गरिरहेको बताए ।

कार्यक्रममा पार्टीका नेता बिष्णु हरि शर्मा, बोम दर्लामी, डा. कालि पथ शर्मा, पुर्व केन्द्रिय सांसद तथा पार्टीका केन्द्रिय सल्लाहकार राम लौटन तिवारी, लगातयका केन्द्रिय नेताहरुले सम्बोधन गर्दै सरकारको प्रतिगमनकारी कदम खारेज गर्न माग गरेका छन् ।

पार्टीको आन्तरिक झगडा मिलाउन नसेर संसद भंग गर्ने प्रधानमन्त्रीको प्रवृति गलत रहेको भन्दै जनताले दिएको जनदेशलाई वर्तमान सरकारले अपमान गरेकाले उक्त कदम विरुद्ध उत्रन सम्पुर्णलाई पार्टीका जिल्ला अध्यक्ष शैलेन्द्र यादवले आग्रह गरेका छन् ।

कार्यक्रममा अन्य पार्टी परित्याग गरि दर्जनौ कार्यकर्ता तथा स्वतन्त्र युवाहरु जसपमा प्रवेश गरेका छन् ।

विरोध सभा भन्दा अगाडि चार नम्बर जितपुर चोकमा जनप्रदर्शन समेत गरिएको थियो ।

पार्टीका जिल्ला अध्यक्ष शैलेन्द्र यादवको अध्यक्षता, जसपा बाणगंगा नगरसमिति अध्यक्ष जेपी खनालको स्वागत मन्तब्य तथा पार्टीका जिल्ला सचिव चोपलाल राहुल मगरको सञ्चालनमा कार्यक्रम सम्पन्न भएको थियो ।

Facebook Comments Box

Recommended For You

About the Author: Lumbini Darpan Online

Leave a Reply

Your email address will not be published. Required fields are marked *