बुटवल चैत्र २३
लुम्बिनी प्रदेश उद्योग परिसंघको बु्टवलमा सम्पन्न प्रथम बैठकले जिम्मेवारी बाँडफाँड गरेको छ । परिसंघका अध्यक्ष एजाज आलमको अध्यक्षतामा बुटवल ८ सुख्खानगर स्थित सचिवालयमा सम्पन्न बैठकले परिसंघको वरिष्ठ उपाध्यक्षमा दिनेशराज रेग्मी, उपाध्यक्षहरुमा बाबुराम बोहोरा, बोनिन पिया, रामप्रसाद बस्याल र सफर अलि मियालाई चयन गरेको छ । सोही बैठकले जिल्लाहरुमा उद्योग संघ गठनका निमित्त विशेष जिम्मेवारी समेत प्रदान गरेको छ । जस अनुसार गुल्मीमा श्रृजना अर्याल, अर्घाखाँचीमा बाबुराम श्रेष्ठ, कपिलवस्तुमा सफर अलि मियाँ, दाङ्गमा गेहेन्द्र बहादुर बस्नेत, पाल्पामा नारायण कार्की र बाँकेमा तारा रोकायालाई जिम्मेवारी प्रदान गरिएको हो । परिसंघले संस्थागत गतिविधि विस्तारसँगै औद्योगिक विकासका आधारहरु तय गर्न बु्टवलमा सचिवालय स्थापना गरी काम अघि बढाएको छ । यस अघि प्रदेश भेलाबाट एजाज आलमको अध्यक्षतामा १५ सदस्यीय लम्बिनी प्रदेश उद्योग परिसंघको गठन गरिएको थियो ।