बुटवल बैशाख ४
यो वर्ष पनि जितगढी विजय उत्सव समारोह नहुने भएको छ । पछिल्लो समय कोरोना संक्रमण बढ्न थालेपछि गत वर्ष सुरुवात भएको महत्सव यसपालि पनि नहुने भएको हो । २०७६ सालमा प्रधानमन्त्री केपी शर्मा ओलीको उपस्थितिमा जितगढी उत्सवको सुरुवात गरिएको थियो । गत वर्ष पनि कोरोना संक्रमणको कारण समारोह हुन पाएन । अघिल्लो वर्ष जस्तै यो वर्ष पनि उजिरसिंहको शालिकमा माल्यार्पण गरिने उपमहानगरले जनाएको छ ।

पछिल्लो समय फैलिएको कोरोना संक्रमणको कारण कार्यक्रम स्थगित गरिएको बुटवल उपमहानगरपालिकाले जनाएको हो ।वि।सं। १८७२ वैशाख ७ गते कर्नेल उजिरसिंह थापा नेतृत्वको नेपाली फौजले अंग्रेजलाई पराजित गरेको सम्झनामा जितगढीमा विजय उत्सव मनाउने गरिएको थियो । दुई वर्षअघि जस्तै यो पटक पनि भव्य रूपमा जितगढीमा विजय उत्सव मनाउने तयारी उपमहानगरपालिकाले गरेको थियो ।

विजय उत्सव मनाउन फागुन २८ गते बसेको नगर कार्यपालिकाको बैठकले नगरप्रमुख शिवराज सुवेदीको संयोजकत्व तथा उपप्रमुख गुमादेवी आचार्यको सह संयोजकत्वमा मूल समारोह समितिसमेत बनाएको थियो ।गत चैत्र २७ गते बसेको नगर कार्यपालिकाको बैठकले मूल समारोह कार्यक्रम स्थगित गर्ने निर्णय गरेको हो ।यस वर्ष पनि जितगढी स्थित उजिरसिंहको शालिकमा माल्यार्पण मात्र गर्ने र उपमहानगरको हलमा संक्षिप्त कार्यक्रम गर्ने बुटवल उपमहानगरपालिकाका प्रवक्ता रामप्रसाद रेग्मीले बताए ।