हरि आचार्य, अर्घाखाँची
नेकपा एमालेका विभिन्न संगठनमा आवद्ध रहि पार्टीका हरेक गतिविधिमा सक्रिय रुपमा राजनीति गर्दै आउनुभएका दुर्गा बहादुर बिसिले एमाले अर्घाखाँचीको जिल्ला कमिटि सदस्यमा उम्मेद्वारी दिने घोषणा गर्नुभएको छ ।
बिद्यार्थी जीवन देखिनै राजनीति सुरु गर्नुभएका विसीले एमाले अर्घाखाँचीको सदस्यमा आफु आवश्यक रहेको भन्दै उम्मेद्वारी घोषणा गर्नुभएको हो । पुस २३ र २४ गते हुने पार्टीको जिल्ला अधिवेशनका लागि समग्र अग्रज नेता, विद्यार्थी, युवा वर्ग र पार्टीका शुभचिन्तकहरुको माग बमोजिम जिल्ला कमिटि सदस्यमा उम्मेद्वारी दिने निर्णय गरेको विसीले बताउनुभयो ।
विशेष गरि पार्टीलाई सांगठनिक रुपमा मजबुत बनाउन, पार्टीका हरेक गतिविधिलाई चुस्त दु्रस्त राख्न र राजनीतीमा विद्यार्थी तथा युवाहरुको पहुँच पु–याई युवा नेतृत्वको विकास गर्ने संकल्पका साथ आफ्नो उम्मेद्वारी रहेको उहाँले बताउनुभयो ।
लामो समय देखि राजनीती मार्फत निरन्तर रुपमा समाज सेवा गर्दै आउनुभएका विसी शितगंगा नगरपालिका वडा नं. १३ का वडाध्यक्ष भई समृद्ध वडाका लागि लागिरहनुभएको छ । विसी युवा वर्गहरुको रोजाई र लोकप्रिय नेताको रुपमा चिनिनुहुन्छ ।
