लुदस, ओदारी
कपिलवस्तुको वाणगंगा नगरपालिकामा भारतीय ट्रकको ठक्करबाट फेरि एक छात्रा घाइते भएकी छन् । शुक्रवार दिउसो वाणगंगाको वडा नम्बर ११ ओदारी चोकमा भारतीय ट्रकले ठक्कर दिदाँ ओदारी उच्च मा.वि मा अध्ययनरत छात्रा सृजना यादव घाइते भएको इलाका प्रहरी कार्यालय पिपराले जनाएको छ ।
तौलिहवाबाट जितपुर तर्फ जादै गरेको युपी ४१ एपी १५८२ नम्बरको भारतिय ट्रकले यादवलाई ओदारीमा ठक्कर दिएको हो । ट्रकको ठक्करबाट घाइते यादवको टाउकोमा चोट लागेको र उपचारको लागि बुटवल पठाइएको छ । सो क्षेत्रमा अहिले सुरक्षालाई लिएर व्यापक सुरक्षाकर्मी खटाईएको छ । विद्यार्थीले सडकमा नारावाजी गरेका छन् भने सडक अवरुद्ध भएको छ । ट्रक र चालकलाई नियन्त्रणमा लिएर थप अनुसन्धान भैरहेको छ ।

भारतीय ट्रकको ठक्करबाट केहीदिन अगाडी स्थानिय अटो चालक अनिल मगरको ज्यान गएको थियो । सो क्षेत्रमा हालै बनेको सड्कको गलत मापदण्ड ले दुर्घटना दिन प्रतिदिन बढ्न थालेको वडा नं ११ का अध्यक्ष सोमनाथ अर्यालले बताए ।