लुदअ, कपिलवस्तु
बाणगंगा स्थानीय तहको निर्वाचन अन्तर्गत देशभर मतदान भइरहेको छ । विहान ७ बजे देखि सुरु भएको मतदान प्रक्रिया साँझ ५ बजेसम्म चल्ने छ ।
कपिलवस्तुमा अपरान्ह ४ बजे सम्म ६५ प्रतिशत मत खसेको जिल्ला निर्वाचन अधिकृत तेजेन्द्र प्रसाद सापकोटाले जानकारी दिए ।
अहिले सम्म शान्तीपुर्ण र भयरहित तवरमा निर्वाचन भईरहेको उहाँले बताउनुभयो । निर्वाचन अधिकृत सापकोटाका अनुसार सबै मतपेटिका ८ बजे भित्र संकलन गरियो भने सर्वदलीय बैठक पछि मतगणना सुरु गरिने छ ।
यता स्थानीय तह निर्वाचनको मतगणना आजैबाट सुरु हुने निर्वाचन आयोगले जनाएको छ । मतदान सकिएलगत्तै मुचुल्का उठाएर मतपेटिका मतगणनास्थलसम्म पुर्याउने र सर्वदलीय बैठकको निर्णयपछि आजैबाट गणना सुरु हुने आयोगका प्रवक्ता शालिग्राम शर्मा पौडेलले जानकारी दिए ।
यता बाणगंगा नगरपालिकामा ३ बजेसम्म ५८ प्रतिशत मत खसेको छ ।
