कपिलवस्तु सामुदायिक अस्पताललाई प्रदेशमै नमुना बनाउनुर्छ : मन्त्री चौधरी

[sharethis-inline-buttons]

लुदअ, कपिलवस्तु
लुम्विनी प्रदेशको एकमात्र सामुदायिक अस्पताल कपिलवस्तु सामुदायिक अस्पताललाई ३ वटै तहका सरकारले उच्च प्राथकिमतामा राखेर लगानी बढाउनु पर्ने प्रदेशका स्वास्थ्य मन्त्री इन्द्रजीत थारुले वताउनु भएको छ । उहाले कपिलवस्तु सामुदायिक अस्पतालको चौथो वार्षिक साधारण सभा तथा अधिबेशन समारोहलाई सम्वोधन गर्दैे मानब समाजको प्रभावकारी विकासको लागी पहिला स्वास्थ्य क्षेत्रको विकास हुन जरुरी रहेको बताउनु भयो ।

उहाले आधारभुत शिक्षा, स्वस्थ्य प्राप्त गर्ने सम्पुर्ण नागरीकको अधिकार रहेको बताउँदै हामी स्वस्थ्य क्षेत्रमा संवेदनशिल बन्नुपर्ने बताउनुभयो । लुम्बिनी प्रदेशमै प्रथम सामुदायिक अस्पतालको रुपमा कपिलवस्तु सामुदायिक अस्पताललाई संचालन गर्नु निक्कै उदाहरणीय कार्य भएको बताउँदै मन्त्री थारुले यो अस्पतालले अभाव र पीडामा वाच्न नहुने तर्क गर्नु भयो । उहाँले स्वस्थ्यको क्षेत्रमा जनता सँगै राज्यले पनि गम्भिर रुपमा चासो देखाएर अघि बढ्नुपर्ने बताउनुभयो ।

त्यस्तै कार्यक्रममा बोल्दै लुम्विनी प्रदेश सार्वजनिक लेखा समितीका सभापति विष्णु पन्थीले बाणगंगा नगरनै यस्तो नगर हो जहा प्रदेश भित्र अरु जिल्लाले गर्न नसकेको काम यहा हुन्छ भन्नु भयो । प्रदेशको एकमात्र सामुदायिक अस्पतालको स्थापना र संचालनलाई संकेत गर्दै यस्तो वताउनु भएको हो । यस्तै बाणगंगा नगरपालिकाका मेयर चक्रपाणि अर्यालले कपिलवस्तु अस्पतालबाट कपिलवस्तुका विरामीले मात्र नभएर अर्घाखाँची लगायत बाहिरी जिल्लाका विरामीले समेत लाभ लिइरहेको बताउँदै अस्पतालको विकासको लागी नगर सधै तत्पर रहेको बताउनु भयो ।

कार्यक्रममा कपिलवस्तु अस्पतालका कोषध्यक्ष रवि बहादुर काफ्लेले आर्थिक वर्ष २०७८र ७९ को आर्थिक प्रगति प्रतिवेदन पेस गर्नुभएको थियो भने महासचिव पोम नारायण पौडेलले वार्षिक प्रगति प्रतिवेदन प्रस्तुत गर्नुभएको थियो । अस्पतालका कर्मचारी, पदाधिकारी, विभिन्न संघ सस्थका पदाधिकारी, पत्रकार लगायत विभिन्न ब्याक्तिको बाक्लो उपस्थिती रहेको कार्यक्रमको अध्यक्ष अध्यक्ष रामजी सेन र सञ्चालन अस्पतालका महासचिव पोम नारायण पौडेलले गर्नुभएको थियो ।


प्रकाशित : २०७९ भाद्र ११, शनिबार ०७:२७