हरि आचार्य, कपिलवस्तु
निर्वाचन नजिकिएसंगै राष्ट्रिय युवा संघ नेपाल जिल्ला कमिटी कपिलवस्तुले युवा परिचालन सहित रणनितिक योजना बनाउनमा लागिपरेको छ । मंसिर ४ गते हुने प्रदेश तथा प्रतिनिधि सभाको निर्वाचनमा नेकपा (एमाले) का उम्मेद्वारलाई जिताई एमालेको बहुमत सहितको सरकार निर्माणमा सहयोग गर्न कुशल युवा परिचालन सहित रणनितिक योजना बनाउनमा लागिपरेको जिल्ला अध्यक्ष कमल क्षेत्रीले जानकारी दिनुभयो ।
पार्टीलाई जिताउन अहम भुमिका हुने पार्टीको बलियो जनवर्गीय संगठन राष्ट्रिय युवा संघ नेपाल जिल्ला कमिटीको नेतृत्व कमल क्षेत्रीको काँधमा आएसंगै युवा परिचालन देखि संगठनले जिम्मेवार पुर्वक आफ्नो दायित्व पुरा गरेको पार्टीका नेताहरु बताउँछन् ।
विशेष गरि संगठनको नेतृत्व कमल क्षेत्रीले गरिसके पछि संगठनका नियमित बैठक, आगामी योजना, पार्टीसंगको सम्पर्क, भेटघाट तथा समन्वय, युवा परिचालन, विभिन्न पालिका, वडा तथा टोल कमिटीसंगको समन्वय, गएको स्थानीय तहको निर्वाचनमा खेलेको भुमिका लगायत विभिन्न बिषयमा राष्ट्रिय युवा संघ नेपाल जिल्ला कमिटी कपिलवस्तुले अहम भुमिका खेलेको युवाहरु बताउँछन् ।
गत भदौ २६ र २७ गते सम्पन्न प्रशिक्षण र यहि असोज ७ गते काठमाण्डौमा सम्पन्न राष्ट्रिय युवा संघ नेपालको प्रचार भेलामा जिल्ला कमिटीको कपिलवस्तु सक्रिय उपस्थिती सहित विभिन्न रणनैतिक योजना बनाएर फर्किएको छ । जिल्ला अध्यक्ष कमल क्षेत्रीले संगठनका पदाधिकारी तथा सदस्यहरुलाई विभिन्न प्रशिक्षण, छलफल तथा गोष्ठिहरुमा सक्रिय सहभागी गराउदै आउनुले पनि संगठन अझ बलियो र मजबुत बन्दै गएको छ, जसले गर्दा पार्टीलाई प्रत्यक्ष योगदान पुगेको छ ।
राष्ट्रिय युवा संघ नेपालका युवाहरुलाई तालिम तथा प्रशिक्षण आएता पनि अहिले सम्म जानकारी समेत नपाएको गुनासो गर्दै क्षेत्री अध्यक्ष भएसंगै विभिन्न तालिम तथा प्रशिक्षणमा सहभागी हुन पाएकोमा युवाहरुले खुसी व्यक्त गरेका छन् ।
