लुदअ, कपिलबस्तु
आगामी निर्वाचनमा राप्रपाले जित्ने गरी प्रचारप्रसारमा लाग्न राष्ट्यि प्रजातन्त्र पार्टीका केन्द्रिय सदस्य ध्रब रायमाझीले कार्यकर्तालाई निर्देशन दिनुभएको छ । राप्रपाले लिएको राष्ट्रवादी अडानलाई साकार पार्न, आम जनताले बुझ्ने र महसुस गर्ने गरी प्रचार प्रसारमा लाग्न आह्वान गर्नुभएको हो । राष्ट्रिय प्रजातन्त्र पार्टी बाणगंगा नगर कमिटीको कार्यालय उद्घाटन गर्दै उहाले यस्तो निर्देशन दिनुभएको हो ।
यसैगरी कार्यक्रममा राप्रपा जिल्ला संगठन प्रमुख राजेन्द्र विक्रम शाहले विशिष्ट अतिथीको आसनबाट बोल्दै संगठनलाई चुस्त दुरुस्त पारी एकमतले मंसिर ४ को चुनावमा आफ्नो शक्ति परिचालनलाई व्यापक रुपमा टोल टोलमा गर्नुपर्नेमा जोड दिनुभयो । यस्तै नगर कमिटी अध्यक्ष गिरीराज कंडेलले वडा दशै, शुभदिपावली एवं छठ पर्वको अवसरमा शुभकामना दिदै नवदुर्गा भवानीले राष्ट्रमाथी घात गर्ने तत्वलाई सर्वनाश गरुन भनि कामना समेत गर्नुभयो ।
पार्टी कार्यालय उद्घाटन एवं पार्टी प्रवेश कार्यक्रमका सृजना भुषाल, अनिता पोख्रेल, राजेश तिवारी, अस्मिता काफ्ले, हरिसचन्द्र भट्टराई भक्तिराम भुषाल लगाएले पार्टी प्रवेश समेत गर्नुभएको छ । यस्तै नव प्रवेशी तथा पार्टीका विभिन्न तहमा जिम्मेवारी प्राप्त कार्यकर्ता सदस्यहरुलाई नगर प्रबक्ता भिमराज शाहीले प्रशिक्षण समेत दिनुभएको थियो । कार्यक्रम नगर कमिटी अध्यक्ष गिरीराज कंडेलको अध्यक्षता, युवा नेता सागर हमाललको संचालनमा सम्पन्न भएको हो ।
