समय सान्दर्भिक नेपाल सरकारलाई केही प्रश्नहरू ?
मैले विजुली प्रयोग गरेर नेपाल विधुत प्राधिकरणको मासिक शुल्क तिर्दिन भन्न पाउँछु की पाउँदीन ?
मैले टेलिफोन जडान गरेर नेपाल टेलिकमको मासिक शुल्क तिर्दिन भन्न पाउँछु की पाउँदीन ?
मैले सवारी साधनको बार्षिक कर तिर्दिन भन्न पाउँछु की पाउँदीन ?
मैले छोरीलाई स्कुलमा पढाएर मासिक शुल्क तिर्दिन भन्न पाउँछु की पाउँदीन ?
मैले मासिक आम्दानी गरेको रकमको आम्दानी कर तिर्दिन भन्न पाउँछु की पाउँदीन ?
मैले घरबेटीको घर प्रयोग गरेर महिनाको भाडा तिर्दिन भन्न पाउँछु की पाउँदीन ?
मैले कुनै ब्यापारीसंग सामान किनेर पैसा तिर्दिन भन्न पाउँछु की पाउँदीन ?
मैले हस्पिटलमा शुल्क नतिरि उपचार गर्न पाउँछु की पाउँदीन ?
मैले कुनै सरकारी काम गराएर लागेको दस्तुर तिर्दिन भन्न पाउँछु की पाउँदीन ?
मलाई लाग्छ यी सबै प्रश्नको जवाफ पाउँदैनस् भन्ने नै आउँछ । पाउँछस् भन्ने आयो भने मेरो विधुत् र टेलिकमको तार काटिन्छ । टेलिफोन सेवा अबरुद्ध हुन्छन् । मेरो सवारी साधन र म प्रहरी हिरासतमा हुन्छौं । मेरो छोरीलाई स्कुलबाट निकालिन्छ । मलाई घरबेटीले प्रशाशन लगाएर घरबाट गलहत्याएर निकाल्छन् । मलाई ब्यापारीले कुटपिट गरि सामान फिर्ता लिई प्रहरि हिरासतमा बुझाउँछन् । मैले हस्पिटलमा तड्पी तड्पी मर्नुपर्छ । म सबै सरकारी सेवाबाट बञ्चित हुन्छु । मलाई अनागरिक जस्तै बनाईन्छ ।
तर नेपाल सरकारबाट ईजाजत प्राप्त संस्था र आम्दानीको पारदर्शि रुपमा सुकामोहोरको समेत हिसाब गरि सरकारकलाई कर तिर्ने संस्था र हजारौं लाखौं परिवारमा रोजगार श्रृजना गर्ने संस्था र नियमनकारी संस्था ने.रा.बैंक ले नियमित नियमन गरिरहेको संस्था र बैंक तथा वित्तीय संस्थाहरुबाट सम्झौता अनरुप प्रवाह भएको कर्जाको किस्ता तिर्दिन भन्ने र लामो समय देखि नतिर्ने र कार्यालयमा ताला लगाउँछु भन्दै धम्काउने र खुकुरीले चप्काउछौ भन्ने र कर्मचारीलाई सार्वजानीक बेईज्त गर्ने र कर्मचारीलाई जहाँ भेट्यो त्यही कुटपिट गर्ने र कर्मचारीलाई आक्रमण गर्ने र ज्यान मार्ने धम्की दिने र यस्ता क्रियाकलाप गर्न पाईन्छ की ? पाईदैन सरकार ? यी संस्था र कर्मचारीको सुरक्षा दिने जिम्मेवारी तपाँईहरुको हो कीरुहोईन सरकार ? कर्मचारीहरु यही देशका नागरिक हुन किरुहोईनन् सरकार ?यी प्रश्नको चित्त बुझ्दो जवाफको अपेक्षामा छु सरकार ?
