७१ औं विश्व कुष्ठ रोग दिवसमा द लेप्रोसी मिसनद्धारा अन्तरक्रिया तथा सहायक सामग्री वितरण

[sharethis-inline-buttons]

हरि आचार्य, कपिलवस्तु
७१ औं विश्व कुष्ठ रोग दिवसको अवसरमा द लेप्रोसी मिसन नेपालको आयोजनामा अन्तरक्रिया तथा सहायक सामग्री वितरण कार्यक्रम सम्पन्न गरिएको छ । कुष्ठरोग सम्बन्धि गलत अवधारणाको अन्त्य गरौं, मर्यादित व्यवहार गरौं भन्ने मुल नाराका साथ अन्तरक्रिया गर्नुका साथै सहायक सामग्री वितरण गरिएको थियो । कपिलवस्तुको बाणगंगा १ ठाकुरापुर स्थित पिस हिमालय रिसोर्टमा सम्पन्न गरिएको कार्यक्रममा अपांगता भएका ४ व्यक्तिहरुलाई कृत्रिम खुट्टा, १ जनालाई कृत्रिमा हात, १ जनालाई एम.सी.आर सेन्डिल, २ जनालाई कृत्रिम खुट्टा बेल्ट प्रदान गरिएको छ भने १२ जोर कन्भर्स जुत्ता तथा १ जोर बैशाखी र वाकर एउटा प्रदान गरिएको जगदिश थारुले जानकारी दिनुभयो ।

त्यस्तै कार्यक्रममा द लेप्रोसी मिसन नेपालबाट जगदिश थारुको सहजिरकणमा गजेहडा स्वास्थ्य चौकी र मोतिपुर स्वास्थ्य चौकीका प्रतिनिधिद्धारा उपस्थित कुष्ठरोग प्रभावित, अपांगता भएका व्यक्ति र सिमान्तकृत समुदायको जिज्ञासा तथा प्रश्नहरुको जवाफ आदान प्रदान गरिएको थियो ।

आनन्दवन अस्पताल ललितपुरका कृत्रिम हातखुट्टा विभागका कुमार मिजारले कुष्ठरोगको लक्षण, अपांगता हुने, अस्वस्थ तथा कृत्रिम हातखुट्टा सम्बन्धी स्पष्ट पार्नुभएको थियो ।

कार्यक्रमका प्रमुख अतिथि बाणगंगा नगरपालिकाका प्रमुख चक्र पाणि अर्यालले कुष्ठरोग प्रभावित तथा अपांगता भएका व्यक्तिहरुलाई नगरपालिकाले सहयोग गर्दै आईरहेको र आगामी दिनमा पनि अपांगतामैत्री निती तथा कार्यक्रम मार्फत बजेट विनियोजन गर्ने बताउनुभयो । उहाँले द लेप्रोसी मिसन नेपालले अपांगता भएका र कृष्ठरोग प्रभावित नागरिकहरु लाई सहायक सामग्री वितरण गर्नु प्रशंसनीय रहेको बताउनुभयो ।

बाणगंगा नगरपालिकाका उप प्रमुख रीता कुमारी चौधरीले कुष्ठरोग सम्बन्धि गलत अवधारणाको अन्त्य गरि मर्यादित व्यवहार गर्नुपर्नेमा जोड दिनुभयो ।

त्यस्तै नगरपालिका स्वास्थ्य शाखा प्रमुख ठगराज पौडेलले कुष्ठरोगी प्रभावितहरुले समयमै औषधी उपचार गराएमा अपांगता नहुने बताउनुयो ।

कुष्ठ प्रभावित तथा अपांगता कृषि सहकारी संस्था लिमिटेड सेवा केन्द्रका अध्यक्ष मोतिराम थारुको अध्यक्षता, विभिन्न स्वास्थ्य चौकीका प्रमुख, कुष्ठरोग प्रभावित, अपांगता भएका व्यक्ति र सिमान्तकृत समुदायका व्यक्तिहरु लगायतको उपस्थिती रहेको कार्यक्रम द लेप्रोसी मिसन नेपालका अशेष शाक्य र जगदिश थारुको सञ्चालनमा सम्पन्न भएको थियो ।


प्रकाशित : २०८० माघ १४, आईतवार १९:१६