लुदस, गोरुसिंगे
कपिलवस्तुको बुद्धभुमी अन्र्तगत गब्दवा र गुडुरुङ खोलामा नदीजन्य पदार्थ निकासीको ठेक्का पाएको स्वाभिमान कन्ट्क्सनले अवैध दोहन बढाएको छ ।
नदीजन्य पदार्थ निकासीका कानूनी प्रावधान विपरित गएर स्वाभिमानले अवैध दोहनमा लम्पट भएको हो ।
नदीजन्य पदार्थको निकासी सुरु गरेदेखि नै अन्धाधुन्ध खोला उत्खनन गरेको स्वाभिमानका खोला दोहनका अवैध गतिविधि झण्डै आधा दर्जन छन् ।
बुद्धभूमि नगरपालिकाबाट ठेक्का पाएको स्वाभिमानले नगरले तोकेको स्थानभन्दा विपरित स्थानबाट नदीजन्य पदार्थ उत्खनन गरेको छ । त्यतिमात्र होइन् खोलाभित्रै नदीजन्य पदार्थको डम्पिङ्ख गरेर खोला उत्खननमा ठेकेदार तल्लिन छन् ।
खोलाभित्रै नदीजन्य पदार्थ डम्पिङ्ग गरेर नजिकै रहेको आफ्नै क्रशर उद्योगमा ओसार पसार गर्दा आफ्नै डम्पिङ्ग स्लिपका भरमा काम हुने गरेको पाईएको हो ।
जसले तोकिएको परिणाम सकिएको हप्तादिन भैसक्दा समेत उत्खनन् रोक्नको साटो अझै आधा पनी नसकिएको संचालक कृष्ण प्रसाद पोख्रेलले बताए । एकैदिनमा सयौं ट्याक्टर नदीजन्य पदार्थ स्वाभिमानले निकालिरहेको हो ।
त्यतिमात्र होईन नदिभित्रै डम्पिङ्ग गरि टिप्पर मार्फत आफ्नै क्रशरमा बोक्ने गरेको हो ।
खोलामा गरिएको डम्पलाई नजिकैको आफ्नो क्रेशर उद्योगमा ल्याएर राखिन्छ । स्वाभिमानकै लगानीमा क्रेशर उद्योग खोला किनारमा सञ्चालनमा छ ।
निकै न्यून मूल्य बढेर ठेक्का हालेको स्वाभिमानले प्रहरी, प्रशासन, गाउँका टाठाबाठासँग मिलेरै काम गरिरहेको एक जना गाउँलेले बताए ।
खोलामा आँखा छलेर जेसिबी लगाउने गरिएको ती गाउँलेको दाबी छ । खोला किनारमा राखिएको डम्पिङमा जेसिबी चलिरहेको देख्दा ती गाउँलेको दाबी मिल्न जान्छ ।
भ्याट छलि स्वाभिमानको अर्को चतुरता छ । आफ्नै भ्याट बिलबाट निकासी रसिद दिइरहेको स्वाभिमानले दिनको एकपटक मात्र उक्त बिल काट्ने गरेको भेटिएको छ । त्यही बिल सम्बन्धित सवारी धनीले दिनभरी देखाउने गरेका छन् ।
कोही अनुगमनमा पुगेर सवारीसँग रसिद माग्दा दिनभरी प्रयोग गर्ने बिल देखाउँछन् । काटिएको बिल कुन समयमा काटिएको उल्लेख छैन् । जबकी ठेक्का लागेका हरेक नाकामा बिल काटिएको समय समेत उल्लेख हुन्छ ।
स्रोतका अनुसार स्वाभिमानले सबै पक्षलाई मिलाएर ठेक्का हालिएको थियो । हरेक बर्ष खोलाको ठेक्का पार्दै आएको स्वाभिमान रुपन्देहीको कम्पनी हो ।
गब्दवामा पनि बर्मलुट
स्वभिमान कन्ट्रक्सनले बुद्घभूमीका अधिकांश नदी कब्जा गरेको छ । मिलेमतो मा ठेक्का हत्याएको गब्दवा नाकामा पनि स्वभिमानकै बर्मलुट छ । गब्दवा नाकामा तोकिएको मापदण्ड भन्दा ४ गुना नदिजन्य पदार्थ निकासी भएको हो । ठेकेदारले डम्पिङ स्लिपका भरमा भ्याट र मापदण्ड समेत छली गरेको पाईएको हो ।
