कपिलवस्तु,
वाणगंगा नगरपालिका–२, पिपरा स्थित हिल्बर्ट इङ्लिस बोर्डिङ स्कुलले आफ्नो १६औँ अभिभावक दिवस भव्य रूपमा सम्पन्न गरेको छ ।
कार्यक्रम विद्यालय व्यवस्थापन समितिका अध्यक्ष दीपक खनालको अध्यक्षतामा तथा प्याब्सन लुम्बिनी प्रदेशका अध्यक्ष लालहरि पाण्डेको प्रमुख आतिथ्यता तथा विद्यालयका प्रिन्सिपल शिव कुमार पाेख्रेलकाे स्वागत मन्तब्यमा विद्यालयकै प्राङ्गणमा सम्पन्न भएको हो।
कार्यक्रममा विद्यालयका निर्देशक बुद्धिराम पौडेल विशेष अतिथिका रूपमा सहभागी रहनुभएको थियो। साथै वाणगंगा नगरपालिका शिक्षा शाखा प्रमुख रोशन घिमिरे, प्याप्सन कपिलवस्तुका पूर्व अध्यक्ष सुन्दर पाण्डे, अभिभावक, विद्यार्थी, विभिन्न संघ–संस्थाका प्रतिनिधि तथा समाजसेवीहरूको उल्लेखनीय उपस्थिति रहेको थियो ।
भव्य रुपमा सम्पन्न कार्यक्रममा विद्यालयका १३ सय बढी विद्यार्थीहरुलाई प्रतिभा प्रस्फुटनका लागि स्टेजमा चढाईयो भने १ सय बढीद्धारा उद्घोषण गरेका छन् ।
अभिभावक दिवस कार्यक्रममा विद्यार्थीहरूले प्रस्तुत गरेका विविध सांस्कृतिक नृत्य, शैक्षिक प्रदर्शनी तथा सिर्जनात्मक प्रस्तुतीहरूले कार्यक्रमलाई थप आकर्षक बनाएको थियो। विद्यार्थीहरूको आत्मविश्वास, अनुशासन र शैक्षिक क्षमताले विद्यालयको गुणस्तरीय शिक्षाको झल्को दिएको सहभागीहरूले प्रतिक्रिया दिएका थिए।
कार्यक्रमलाई सम्बोधन गर्दै प्रमुख अतिथि लालहरि पाण्डेले हिल्बर्ट इङ्लिस बोर्डिङ स्कुललाई कपिलवस्तु जिल्लाकै अग्रणी शैक्षिक संस्थाको रूपमा चर्चा गर्दै विद्यालयको शैक्षिक गुणस्तर, अनुशासन र अभिभावकसँगको समन्वय प्रमुख विशेषता रहेको बताए। उनले निजी विद्यालयहरूले पनि सामाजिक उत्तरदायित्व आत्मसात गर्दै शिक्षामा थप योगदान दिनुपर्नेमा जोड दिए।
त्यसैगरी शिक्षा शाखा प्रमुख रोशन घिमिरेले विद्यालयले शैक्षिक क्षेत्रमा पु¥याएको योगदानको प्रशंसा गर्दै गुणस्तरीय शिक्षा, नैतिक मूल्य तथा व्यवहारिक सीप विकासमा विद्यालयले खेलेको भूमिका उदाहरणीय रहेको उल्लेख गरे।
कार्यक्रमको सञ्चालन विद्यालयका शिक्षक तेजप्रसाद आचार्यले गर्नुभएको थियो।
लामो समयदेखि शैक्षिक क्षेत्रमा सक्रिय हिल्बर्ट इङ्लिस बोर्डिङ स्कुल अनुशासन, शैक्षिक उपलब्धि तथा सर्वाङ्गीण विकासमा केन्द्रित शिक्षण पद्धतिका कारण कपिलवस्तु जिल्लाकै विश्वासिलो तथा अग्रणी शैक्षिक संस्थाका रूपमा परिचित हुँदै आएको छ।
