हरि आचार्य, कपिलवस्तु
यहि फागुन २१ गते हुने प्रतिनिधि सभा निर्वाचन २०८२ नजिकिएसंगै अखिल नेपाल राष्ट्रिय स्वतन्त्र युनियन (अनेरास्ववियु) जिल्ला कमिटी कपिलवस्तु र बाणगंगा नगर कमिटी सक्रिय भएको छ । चुनाव नजिकिएसंगै बाणगंगाका विभिन्न वडाहरुका विद्यार्थीहरु एमालेका उम्मेद्वारलाई जिताउन लागि परेका छन् । विद्यार्थीहरुको माग र सपना पुरा गर्ने पार्टी एमाले मात्र भएकाले सक्रिय भएको विद्यार्थीहरु बताउँछन् ।
सम्मेलनलाई सम्बोधन गर्दै निर्वाचन क्षेत्र नं. १ का निर्वाचन परिचालन कमिटीका संयोजक डम्मर शर्माले समृद्धिका लागि एमालेमा मतदान गर्नुपर्नेमा जोड दिनुभयो । उहाँले एमाले पार्टी विनाश नभई विकास गर्ने पार्टी रहको बताउदै एमालेलाई जिताउका लागि अनेरास्ववियुको अहम भुमिका बताउनुभयो ।
त्यस्तै विद्यार्थी जिल्ला ईन्चार्ज सुन्दर पाण्डेले विद्यार्थीहरु जुरुक्क उठे मात्रै एमाले बलियो हुने बताउँदै एमालेको नकारात्मक भ्रम चिर्न आवश्यक रहेको बताउँनुभयो ।
त्यस्तै निर्वाचन परिचालन कमिटीका सचिव भेषरा पाण्डेले एमाले प्रतिको नकारात्मक भ्रक चिर्न र एमालेले गरेका विकासका कामको डिजिटल प्रविधि मार्फ जनता माझ लैजान आवश्यक रहेको बताउनुभयो ।
सोहि क्रममा अनेरास्ववियु बाणगंगा नगरकमिटीको तेस्रो सम्मेलन तथा विद्यार्थी भेला गरिएको छ । सम्मेलनबाट सपना बेल्बासेको अध्यक्षतामा ११ सदस्यीय नगर कमिटी गरिएको छ । जसको उपाध्यक्षमा पुष्पा घिरिमे, सचिवमा प्रशंसा चौधरी, कोषाध्यक्षमा संयोग गिरी लगायत अन्य रहेका छन् ।
बैठक जिल्ला अध्यक्ष पारस मरासिनीको अध्यक्षता, अनेरास्ववियु केन्द्रिय सदस्य बिष्णु घिमिरेको प्रमुख आतिथ्यता, क्षेत्र नं. १ परिचालन कमिटी संयोजक डम्मर शर्माको विशिष्ठ आतिथ्यता, प्रदेश सांसद गिरधारीलाल न्यौपाने, पार्टीका उप सचिव देबी बहादुर पोख्रेल लगायतको उपस्थिती रहेको कार्यक्रम अनेरास्ववियु उपाध्यक्ष आश्विन केसीको स्वागत तथा जिल्ला सचिव शेषकान्त मरासिनीको संचालनमा सम्पन्न भएको थियो ।
