हरि आचार्य, कपिलवस्तु
पच्चिस कुञ्ज बहुउद्देश्यीय सहकारी संस्था लिमिटेड बाणगंगा १ कपिलवस्तुको अध्यक्षमा रबिन्द्र पौडेल सर्वसम्मत रुपमा चयन हुनुभएको छ । सहकारीको चौथो साधारण सभा तथा दोस्रो अधिवेशनबाट पौडेलको नेतृत्वमा ९ सदस्यीय सञ्चालक समिति गठन गरिएको हो । जसको उपाध्यक्षमा सागर पोख्रेल, सचिवमा मनु रसाईली, सह सचिवमा कान्ता गहतराज, कोषाध्यक्षमा नारायण भुसाल लगायत सदस्यहरुमा बिष्णु घिमिरे, कल्पना उपाध्याय, बिनोद भण्डारी र अम्बिका भण्डारी सर्वसम्मत रुपमा चयन हुनुभएको छ ।
त्यस्तै लेखा समितिको संयोजकमा पोमनारायण पाण्डे सदस्यहरुमा भुवन पौडेल र जिनव पन्थी चयन हुनुभएको छ भने ऋण उप समितिको संयोजकमा युवराज घिमिरे सदस्यहरुमा गुणाखर पाण्डे र बिष्णु घिमिरे -ख) सर्वसम्मत रुपमा निर्वाचित हुनुभएको छ । निर्वाचित पदाधिकारी तथा सदस्यहरुलाई निर्वाचन मण्डलले शपथ ग्रहण समेत गराएको छ ।
निर्वाचन मण्डलको संयोजकमा अधिवक्ता मिन प्रसाद पोख्रेल सदस्यहरुमा कमल प्रसाद बस्याल र पत्रकार हरि आचार्य रहनुभएको थियो ।
नव निर्वाचित अध्यक्ष पौडेलले सहकारीमा सुशासन, पारदर्शिता र जवाफदेहीतालाई आत्मसाथ गर्दै मर्यादित र मजबुत बनाउन कुनै कसर बाँकी नराख्ने बताउनुभयो । उहाँले सहकारीको पुंजीलाई उत्पादनमा परिचालन गरि शेयर सदस्यसंगै सामाजिक कार्यमा लगाउने बताउनुभयो ।
सहकारीका निवर्तमान अध्यक्ष शालिकराम आचार्यले अध्यक्षको मन्तब्य राख्दै अहिले सम्मका कार्य तथा योजनाको बारेमा बताउनुभयो । उहाँले नयाँ कार्यसमितिलाई बधाई तथा सफल कार्यकालको शुभकामना व्यक्त गर्दै आज सम्म सहयोग गर्ने महानुभावहरुलाई आभार प्रकट गर्नुभयो ।
साधारण सभामा सहकारीका निवर्तमान सचिव शान्तराज गैरेले प्रगति प्रतिवेदन तथा कोषाध्यक्ष भुवन पौडेलले आर्थिक प्रतिवेदन प्रस्तुत गर्नुभएको थियो ।
