लुदअ एजेन्सी, बैशाख १३
कोरोना भाइरसको संक्रमणका कारण विश्वमा मृत्यु हुनेको संख्या दुई लाख नाघेको छ । यसैगरी संक्रमितको संख्या २८ लाख ८८ हजार कटेको छ ।
विश्वभर भने कोरोनाका कारण २ लाख मानिसको मृत्यु तथा २८ लाख ६८ हजार मानिस संक्रमित हुँदा उपचारपछि निको हुनेको संख्या ८ लाख १९ हजार नाघेको छ ।
सबैभन्दा बढी अमेरिकामा ५२ हजारभन्दा बढी मानिसको मृत्यु भएको छ । त्यहाँ ९ लाख २९ हजार मानिस संक्रमित छन् ।
अमेरिकापछि कोरोनाबाट सबैभन्दा बढी मृत्यु हुने शीर्ष पाँच देशमा क्रमशः इटाली करिब २६ हजार ३ सय बढी, स्पेन २२ हजार ९ सयभन्दा बढी, फ्रान्स २२ हजार २ सयभन्दा बढी, बेलायत २० हजार ३ सयभन्दा बढी रहेका छन् ।
यी सबै देशमा मृत्यु हुनेको आंकडा २० हजार नाघेको हो । यता, भारतमा ७८० जनाको मृत्यु भएको छ । त्यहाँ २४ हजार ९ सयभन्दा बढी संक्रमित भएका छन् ।
प्रकाशित : २०७७ बैशाख १३, शनिबार २३:४०
