रुपन्देही ,असार ११
प्रकाश गौतम
रुपन्देहीमा अहिले सम्म १५ स्थानीय तहले बजेट प्रस्ततु गरेका छन् । एक उपमहानगरपालिका, पाँच नगरपालिका र दश गाउँपालिका रहेको जिल्लामा ओमसतिया गाउँपालिका बाहेकका पालिकाले बजेट पेश गरेका हुन् ।
ओमसतियामा अधिकांश गाउँसभा सदस्यले बहिष्कार गरेपछि बिहीबार बजेट पेश हुन सकेको थियन । कोटहीमाई, मर्चवारी र रोहिणी गाउँपालिकाको बजेट भने विवादबीच सार्वजनिक भएको छ ।
जिल्लामै सधैँ ढिलो बजेट सार्वजनिक गर्ने लुम्बिनी सांस्कृतिक नगरपालिकाले पनि यसपटक समयमै बजेट प्रस्तुत गरेको छ । बुटवल, तिलोत्तमा, सैनामैना, सिद्धार्थनगरलगायत जिल्लाका अधिकांश पालिकाले भने सहमतिमै बजेट ल्याएका छन् । बुटवल उपमहानगरपालिकाले स्वास्थ्यलाई उच्च प्राथमिकतामा राखेर आगामी आवका लागि रु दुई अर्ब ५३ करोड दुई लाख ४५ हजार बराबरको बजेट सार्वजनिक गरेको छ ।
रुपन्देहीका सबै स्थानिय तहले सामाजिक विकास, पूर्वाधार, आर्थिक विकास, विपत् व्यवस्थापन तथा वातावरण, सुशासन एवम् अन्तर सम्बन्ध, कार्यालय सञ्चालन तथा प्रशासनिक कार्यलगायत विषयलाई बजेटले प्राथमिकता दिएको दिएका छन । तर जिल्लाका सबै पालीकाले बजेट सार्बजनिक गरिरहदा ओमसतिया गाउपालीका बजेटकै कारण बिवाद सृजना भएको छ ।
के हो समस्या
रुपन्देहीको ओमसतिया गाउपालीका सधै आर्थिक बिवादमा परि रहने पालीका हो । रुपन्देहीका १६ स्थानीय तह मध्ये १५ तहले बजेट ल्याउदा ओमसतियाले भने आन्तरीक विवाद मिलाउनै नसकेर बजेट र नीति तथा कार्यक्रम ल्याउन नसकेको जन प्रतिनिधिहरुले स्विकार गरेका छन ।
गाउँपालिकाका दुईतिहाई बहुमत कार्यपालिका सदस्यहरुले गाउँपालिकाद्धारा सञ्चालित बजेटको आयव्ययको विवरण नपाएको भन्दै बहिस्कार गरेपछि उक्त पालिकाले बजेट ल्याउन नसकेको हो । कुल ६ बटा बडा रहेकोमा सबै बडाका प्रतिनिधि बिच सहमती हुन नसके पछी बजेट अवरुद्ध भएको हो ।
आर्थिक वर्ष २०७७÷७८ को बजेट हिउँदे गाउँसभामा पारित नगरी लाखौ करोडौ रुपैयाँको योजना गाउँसभाको निर्णय विपरीत स्वच्छेचारी ढंगले अगाडी बढाइएकोले नगरसभा बहिस्कार गरेको वडा नं २ का अध्यक्ष ज्ञानेश श्रेष्ठले जानकारी दिन’ भएको छ ।
उहाले अध्यक्ष र प्रमुख प्रशासकीय अधिकृतको मिलोमतोमा आर्थिक अनियमितता बर्तमा आर्थिक बर्षको हिसाव किताव समेत नदेखाई यस पटक फेरी बजेट कुम्ल्याउने दाउमा रहेको भन्दै बिरोध गरेका श्रेष्ठले बताउनु भयो ।
१३ सदस्य रहेको नगर कार्यपालिकामा उनको पक्षमा ३ जना मात्रै रहेको वडा जनप्रतिनिधि बताउछन् । जसका कारण पटक पटक आर्थिक अनियमितताको आवाज उठेको यो गाउपालिकाले यसपटक समेत संबिधानले तोकेको समयमा बजेट सार्वजनिक गर्न नसकेको हो ।
